Iango Ibukin Bootakin te Utu n te Tairiki
Rongorongo aikai iai inanona rongorongo ao waaki ni kakukurei ake a kona ni kabonganaaki ibukin bootakin te utu n te tairiki. Aikai uoua katooto.
“Rokon ana Boki Moomon,” iteraniba 20: N aki tabe ma mamaarana, e riki Iotebwa Timiti bwa te bwai ni mwakuri ni bain te Uea ngkai e rangi ni kataia n ira te Tia Kamaiu. Ngaira naba ti kona n riki bwa bwaai ni mwakuri ni bain te Uea ngkana ti kataia n rikirake ao n riki n ai aron Iesu Kristo Iangoia ma te tataro mwaaka ni katei tabeua kouru n ae temanna ngkoe ao n te utu. Ko kona ni maroroakina aia korakora ao aia tarena kaain te utu n tatabemania ao maroroakinna bwa ko na kanga ni kabongana korakoram ni buoka temanna ma temanna ni kakoroi nanon tatabeua kouru. Taekinna bwa ko na kanga ni kabongana korakoram ni karababa ana mwakuri te Uea, n aron are e karaoia Iotebwa Timiti.
“Mwanangan Anna,” iteraniba 66: Iangoia ni buokia am utu ni ukoukora ao ni kamanoi karaki man rongorongoia am utu. Ko na bae ni karaoi babaire ni intawiunia tibum aika tamaia am karo, wareki aia tieno kaain te utu ao beeba riki tabeua, ke kakaae FamilySearch.org. Inanon te bootaki n utu n te tairiki, tibwaua te karaki ao maroroakinna bwa a kanga ami bakatibu n ninikoria. Iangoia ni karin karaki nakon mwakoron “Memories” iaon te FamilySearch.org.