Kakawakin Kainutu n te Tairiki
Kainutu n te tairiki a bukamarui uoua waaki aika kakaawaki n te rongorongo inanon 2015.
Tebubua te ririki n nako, Beretitenti Joseph F. Smith (1838–1918) ao ana kauntira a kaungaia membwa n te Ekaretia bwa a na katea te tairiki teuana bwa a na rikirake ao n reirei ni bootaki. A berita bwa naake a karaoia a na kakoaua te tangira ae korakora n te mweenga ao ni karikirakea te ongotaeka nakoia aia karo. Te kantaninga n te kainutu n te tairiki e bon aki boou, ma te kaunganano aei man te Moan Beretitentii n Eberi 27, 1915, e buoka kakaraoana bwa e na butanako.
Nimabwi te ririki n nako, Beretitenti David O. McKay (1873–1970) e manga katuruturui kakawakin kainutu n te tairiki Inanon Tianuare 1965, e anga ana kariaia te boki ni kairi ibukin te moan kainutu n te tairiki, ma reirei inanon te wiiki ake a na reirei iai ni mweenga nako. Inanon 1970 n tairikin te Moanibong a riki bwa kauring ibukin kainutu n te tairiki.
N te bong aei, 100 te ririki imwiin moan kateana ao 50 te ririki imwiin manga katuruturuakin kakawakina, te kainutu n te tairiki e tiku bwa te bwai ae kakawaki ni maiuia membwa n te Ekaretia.