Iesu Kristo—Ara Uea n Raoi

Iroun Unimwaane Russell M. Nelson

Man te Kooram n Abotoro n te Tengaun ma Uoman

Unimwaane Russell M. Nelson

Man te maroro 2013 n Taromauri n te Kiritimati.

Te rau e kona n roko nakoia nikabane ake a nanomwaaka n ukoukora Uean te Raoi.

Christ standing on a seashore. He is beckoning to two men who stand near Him. The two men are holding a fishing net over a small fire. Fishing boats and fishermen are visible in the background. The painting depicts Christ calling some of His Apostles or disciples.

Christ Calls Two Disciples, iroun Gary E. Smith

Ni kabotoan ara iango iaon te Uea ao te maiu are akea tokina e kona ni buokiira rinanon kanganga ni kabane n te maiu ae mamate. Aomata aika aki kororaoi a tibwa aia buraneti ae te aonaaba ma aomata tabeman aika aki kororaoi. Ara aonaaba e uruanaki n te taarau ae korakora, buaka, buaka aika ririki n te aonaaba, aoraki ao te mate.

A roko kakaewenako ni kaineti nakoim. Baikoraki ake a karika te raraoma, ngaira n tatabemaniira ti tangiria ni karekea te rau n nano.

Au rongorongo e irekereke nakon are ti boboto n te koaua ao te rau ae akea tokina, Iesu Kristo—ara Uea n Raoi.¹

E taku Iesu, “Kanakoamaia ataei akana uarereke, ao tai tuki nakoia nakoiu; ba bon aia bwai uean te Atua.²

E kona n uota te rau nakoia ake a uruaki maiuia man ana urubwai te buaka. Utu ake a uruaki man ana mwakuri te taanga ni buaka a uota uringan te buaka, are n au iango a unikaki n tain ana Buaka Korea.

Buaka n taai aikai a rang n raka aroia ni kona n taonaki mwiia n te iti ma a teimatoa n urubwai nakoia utu. Naake a korakai a kona n rairaki nakon te Uea. Ana rongorongo ni karaunano bon rongorongon te rau iaon te aba ao te raoi nakoia aomata.³

Te rau e kona n roko irouia naake a aki marurung. Rabwata tabeua a ikoaki. Tabemana maraki n tamneia ibukina bwa a bua naake a tangiriia ke tabeman a uruaki nanoia. Tariu ao mwaneu, te rau e roko nakon tamneim ngkai ko unika te onimakin inanon te Uea n Raoi.

“Iai ibuakomi ae aoraki? Uotia mai. Iai ibuakomi ae mwauku, ke e mataki, ke e ikoaki, ke e aki konabwai, ke e rebera, ke e rai ke aika a bonotaninga, ke a karawawataki n aekaia nako? Kairiia mai ao N na katoka aorakiia.”⁴

“Bwa I nooria bwa e bon tau am onimaki bwa N na katoki aorakimi.”⁵

A woman is kneeling next to Christ. She is holding on to His clothes. He is looking down at her. Others are behind Christ.

Te rau e kona n roko nakoia ake a rootaki n te nanokawaki. Ngkana te rawawata e roko man te kairua ke te bure, man nikabane te Uea e ti kainnanoa te rairannano. Koroboki aika a tabu e kaungaira bwa ti na “kararoaira [man] kaibwabwaru ni kairake: … [ao] wetea te Uea man te nano ae itiaki.”⁶ Ngkanne Ana kabira are “b’am i Kireata” e kona ni kamarurunga te nano ae aoraki n te bure.⁷

Iangoa te bitaki iroun John Newton, bungiaki i London n 1725. E raira nanona man maiuna ae bure ngke e riki bwa te tia kabonakoia toro n riki bwa te minita n te aro ae te Anglican. Ma te bitaki n nano ae korakora, John e korea taekan te kuna ae “Amazing Grace.”

Te Akoi Ae Kamimi! (Ai tamaroara tangina)

Ae kamaiua te aomata ae rangin ni buakaka n aekakiu!

I a tia ni bua n te taina, ma ngkai I a manga oki;

I mataki ngkoa, ma ngkai I a noraba.⁸

“Ba e na maiti riki te kimareirei iai i bukin te aomata ae buakaka ae ti temanna ae raira nanona.”⁹

E kona n roko te rau nakoia naake a rawawata uotaia:

“Bane mai nako Iu ngkami akana kam kua ao kam rawawata ao N na motiki rawami.

“Amoa amou i aomi, ao reirei i Rou, bwa I nimamanei ao I nanorinano, ao e na reke i roumi iai motikan rawaia tamneimi.

“Bwa e aoraoi amou ao e bebete uotau”¹⁰

E kona n roko te rau nakoia ake a nanokawaki. E taku te Uea, “A kabwaia akana nanokawaki, ba a na kabebeteaki nanoia.”¹¹ Ngkana ti teimatoa inanon buaia naake ti tangiriia, ti kona ni kaonaki ma ana rau te Uea rinanon ana wirikiriki te Tamnei.

Naake a mate ibukin arau a na bon aki mate, bwa e na bon kakukurei irouia.¹²

“I katuka te rau i roumi, I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maaku.”¹³

“Boni Ngai te manga-uti, ao te maiu, ane onimakinai, ngkana tao e boni mate, ao e na boni manga maiu:

“Ao ane maiu ma n onimakinai ao e na bon aki mate” (Ioane 11:25–26).¹⁴

Te rau e kona n roko nakoia ni kabane ake a nanomatoa n ukoukora Uean te Raoi. Ana rongorongo ae kareke n te kamaiu are a uouotia ara mitinare nakon tabo nako n te aonaaba. A tataekina ana euangkerio Iesu Kristo are e kaokaki irouna rinanon te Burabeti Iotebwa Timiti. Mitinare a reirei taeka aika a bita te maiu aika ana taeka te Uea: “Ngkana kam tangirai, ao kam na tou mwin au tua.”¹⁵

Te rau e kona n roko nakoia ni kabane ake a rineia n nakonako n ana kawai te Mwatita. Ana kakao e kaotaki inanon taeka n tangira aika teniua: “Nakomai, irirai.”¹⁶

Ti na bane n anene ni wewete nakon Uean te Raoi,¹⁷ bwa E na manga bon oki. Imwina “e na kaotaki neboakin Iehova, ao a na bane aomata n uaia n nooria.”¹⁸ Ngkai bon te Mesia n te ngaa n ririki, E na toka iaon te baunuea bwa Aia King king ao aia Uea uea.¹⁹

Ngkana ti iriira Iesu Kristo, E na kairiira ni maeka ma Ngaia ao Tamara are i Karawa, ma ara utu. Rinanon kakaewenako aika a mwaiti n te maiu n rabwata, gkana ti teimatoa ni kakaonimaki nakon ara berita ake ti karaoi, ngkana ti teimatoa n ua te toki, ti na tau ibukin bwaintangira aika a korakora ni bwain tangira ni kabane mai iroun te Atua, maiu ae akea tokina.²⁰ Inanon rokona ae mimitong, ara utu a na ikotaki n aki toki.

E na kakabwaiai ngkami te Atua, tariu ao mwaneu aika tangiraki. E na mena iroum ao naake kam tangiriia ni kukurei n aki toki n ana kakabwaia ni kabane ara Uea—ae Uean te Raoi.

Bwaai aika a na taraaki

1. Taraa Itaia 9:6; 2 Nibwaai 19:6.

2. Mataio 19:14.

3. Taraa Ruka 2:14.

4. 3 Nibwaai 17:7.

5. 3 Nibwaai 17:8; taraa naba Mataio 13:15; 3 Nibwaai 18:32; Doctrine ao Covenants 112:13.

6. 2 Timoteo 2:22; taraa naba 3 Nibwaai 9:13.

7. Tara Ieremia 8:22; tara naba “Did You Think to Pray?” Hymns, no. 140; “There Is a Balm in Gilead,” Recreational Songs (1949), 130.

8. “Amazing Grace,” Olney Hymns (1779), no. 41; taraa naba Ioane 9:25.

9. Ruka 15:7; taraa naba te kibu 10.

10. Mataio 11:28–30.

11. Mataio 5:4; taraa naba 3 Nibwaai 12:4; Doctrine ao Covenants 101:14.

12. Doctrine ao Covenants 42:46.

13. Ioane 14:27.

14. Ioane 11:25–26.

15. Ioane 14:15.

16. Ruka 18:22.

17. Taraa “We’ll Sing All Hail to Jesus’ Name,” Boki n Anene, nambwa 182.

18. Itaia 40:5.

19. Taraa Te Kaotioti 19:16.

20. Tara Doctrine ao Covenants 14:7.