Ngaahi Makatuliki ʻo e Tauʻatāina Fakalotú

“ ʻI heʻetau fononga ʻi he hala ʻo e tauʻatāina fakalaumālié ʻi he ngaahi ʻaho fakaʻosí ni, kuo pau ke mahino kiate kitautolu ko hono fakaʻaongaʻi lelei ʻo ʻetau tauʻatāina ke filí ʻoku makatuʻunga ia ʻi heʻetau maʻu ʻetau tauʻatāina fakalotú …

“ʻOku ʻi ai ha makatuliki ʻe fā ʻo e tauʻatāina fakalotú kuo pau ke tau fakafalala ki ai mo maluʻi ʻe kitautolu ko e Kāingalotú.

“Ko e ʻuluakí ko e tauʻatāina ke tuí. ʻOku ʻikai totonu ke fakaangaʻi, fakatangaʻi, pe ʻohofi ʻe ha fakafoʻituitui pe puleʻanga koeʻuhí ko e meʻa ʻoku tui ki ai ha taha fekauʻaki mo e ʻOtuá. …

“ Ko e uá … ko e tauʻatāina ke vahevahe ki he niʻihi kehé ʻetau tui fakalotú mo e ngaahi meʻa ʻoku tau tui ki aí. …

“Ko e tolú … ko e tauʻatāina ke fokotuʻu ha kautaha fakalotu, ha siasi pea lotu vālelei mo e niʻihi kehé. …

“Ko e faá ko e tauʻatāina ke moʻui ʻaki ʻetau tuí—ʻo ʻikai ʻi he ʻapí pē mo e falelotú ka ʻi he ngaahi feituʻu fakapuleʻangá foki.”

ʻEletā Robert D. Hales ʻo e Kōlomu ʻo e Kau ʻAposetolo ʻe Toko Hongofulu Mā Uá, “Paotoloaki ʻo e Tauʻatāina ke Filí, Maluʻi ʻo e Tauʻatāina Fakalotú,” Liahona, Mē 2015, 112.