Ngaahi Fakakaukau Maʻá e Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo e ngaahi ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. Ko ha sīpinga ʻeni ʻe ua.

Joseph Smith, Jr. lying in a field and looking up at the angel Moroni. Moroni is depicted standing in the air and wearing a white robe. In the background, Joseph Smith, Sr. is depicted working in the fields.

“Ko Hono ʻOmai ʻo e Tohi ʻa Molomoná,” peesi 20: Neongo ʻa e ngaahi vaivai fakatāutaha ʻo Siosefa Sāmitá, ka naʻá ne hoko ko ha meʻangāue ʻi he toʻukupu ʻo e ʻEikí ʻi heʻene feinga ke muimui ki he Fakamoʻuí. Te tau lava foki mo kitautolu ʻo hoko ko ha ngaahi meʻangāue ʻi he toʻukupu ʻo e ʻEikí ʻi heʻetau fāifeinga ke fakalakalaka pea hoko ʻo hangē ko Sīsū Kalaisí. Fakakaukau ki hono fokotuʻu ʻi he faʻa lotu ha ngaahi taumuʻa fakafoʻituitui mo fakafāmili. Te mou lava ʻo aleaʻi e ngaahi mālohinga mo e talēniti ʻo e mēmipa takitaha ʻo e fāmilí pea aleaʻi e founga te mou lava ai ʻo fakaʻaongaʻi homou ngaahi mālohingá ke nau fetokoniʻaki ai ke aʻusia ʻa e taumuʻa takitaha. Talanoa fekauʻaki mo e founga te mou takitaha lava ai ʻo fakaʻaongaʻi homou ngaahi mālohingá ke paotoloaki e ngāue ʻa e ʻEikí, hangē ko ia naʻe fai ʻe he Palōfita ko Siosefá.

Illustration depicting two girls looking out a window.

“Ko e Fononga ʻa ʻAná,” peesi 66: Fakakaukau ke tokoni ki ho fāmilí ke nau ʻiloʻi mo fakatolonga ʻa e ngaahi talanoa mei ho hisitōlia fakafāmilí. Te mou ala fai ha ngaahi palani ke ʻinitaviu ha kui, lau ʻa e ngaahi tohinoa fakafāmilí mo e ngaahi meʻa fakapepa kehe, pe vakai ki he FamilySearch.org. ʻI ha efiafi fakafāmili ʻi ʻapi hoko maí, vahevahe e ngaahi talanoá mo aleaʻi ʻa e founga ne hoko ai hoʻomou ngaahi kuí ko ha kau moʻungaʻi tangatá. Fakakaukau ke tānaki atu e ngaahi talanoá ki he konga ko e “Memories,” ʻi he FamilySearch.org.