Taimi ki he Folofolá
Ko Hono Toe Fakamoʻui ʻe Sīsū ʻa Lāsalosí
ʻOku nofo e tokotaha ʻokú ne fai ʻení ʻi ʻIutā, USA.
Ako fakataha ki he Fuakava Foʻoú ʻi he taʻú ni!
Kuó ke hohaʻa nai ʻi ha taimi ʻoku puke ai ha taha ʻi ho fāmilí? Naʻe hohaʻa ʻaupito ʻa e ongo kaungāmeʻa ʻo Sīsuú ko Mele mo Māʻatá koeʻuhí ko e puke lahi ʻa hona tuongaʻane, ko Lāsalosí. Naʻá na fekau ha taha ke tala kia Sīsū kae lava ke Ne hāʻele mai ʻo fakamoʻui ʻa Lāsalosí. Ka naʻe mate ʻa Lāsalosi ia kimuʻa pea toki aʻu atu ʻa Sīsuú.
ʻI he taimi naʻe mamata ai ʻa Sīsū ki he loto mamahi ʻa Mele mo Māʻatá, naʻá Ne tutulu koeʻuhí ko kinaua. Naʻá Ne kole leva ha tokotaha ke toʻo ʻa e maká mei he matapā ʻo e fonualotó, peá ne fekau atu kia Lāsalosi ke tuʻu mai. Ne toe foki mai e laumālie ʻo Lāsalosí ki hono sinó, pea naʻá ne hū ki tuʻa mei he fonualotó, ʻokú ne kei tui ʻa e vala ne tanu ʻakí. Naʻe ofo ʻa e kakaí. Naʻe maʻu ʻe Sīsū ʻa e mālohi ki he maté! Ko e ʻAlo moʻoni Ia ʻo e ʻOtuá.
Ne fakahaaʻi ʻe he ngaahi mana taki taha ʻa Sīsuú ʻEne ʻofa lahí mo Hono fuʻu māfimafí. Kapau te tau tui kiate Ia mo muimui ki Heʻene sīpingá, te tau toe nofo fakataha mo Ia!
Takai fakatoʻomataʻu mei he tafaʻaki toʻohema ʻi ʻolungá: tā fakatātaaʻi ʻe Paul Mann; Fakamoʻui ʻe Kalaisi ʻa e Mahakí ʻi Petesaita, tā ʻe Carl Bloch; Fokotuʻu hake ʻe Kalaisi ʻa e ʻŌfefine ʻo Sailosí, tā ʻe Greg Olsen; Fakaʻā ʻe Kalaisi ha Tangata Kui, tā ʻe Del Parson; tā fakatātaaʻi ʻe Paul Mann; Kuó u ʻOmi Kiate Koe Hoku Fohá, tā ʻe Walter Rane