Te ke lava ʻo Fakatomala mo Fakamolemoleʻi

Hili hoʻo papitaiso mo e hilifakinimá, ʻokú ke fatongia ʻaki ke fili ki he totonú. Kapau ʻokú ke fai ha meʻa ʻoku halá, ko e founga ʻeni ke fakatomala aí kae lava ke ke lelei ange!

Fakakaukau ki he meʻa naʻá ke faí.
Kole fakamolemole pea fai ha meʻa ke tokoni ke toe fakaleleiʻi ange ia. Kapau ʻokú ke fie maʻu ha tokoni, talanoa mo ha mātuʻa ki ai.
Lotu ki he Tamai Hēvaní. Kole kiate Ia ke fakamolemoleʻi koe pea tokoni ke ke toe fai lelei ange ʻo ka toe hoko.
Kuo fakamolemoleʻi koe! Feinga ho lelei tahá ke fai ʻa e meʻa ʻoku finangano e Tamai Hēvaní ke ke faí.

Kapau ʻoku fai ʻe ha taha ha meʻa ke fakaʻitaʻi koe, ko ʻeni ʻa e founga ke ke fakamolemoleʻi aí kae lava ke ke ongoʻi lelei ange!

Feinga ke fakakaukau pe ko e hā ne fai ai ʻe he tokotaha ko eé ʻa e meʻa naʻá ne faí.
Fakakaukau ki ha meʻa lelei fekauʻaki mo e tokotaha ko iá.
Lotua ha tokoni ke fakamolemoleʻi ʻi he taimi ʻoku faingataʻa aí.
ʻOua ʻe tukulotoʻi hoʻo ʻita he tokotaha ko iá.

Ngaahi tā fakatātā ʻa Hollie Hobert