Vahe ‘o e Kau Taki Faka-ʻēlia Foʻoú

Vakai ki he news.lds.org ke maʻu ha ngaahi ongoongo lahi ange ki he meʻa ʻoku hoko ʻi he Siasí.

Kuo fanongonongo ʻe he kau Palesitenisī ʻUluakí ha ngaahi liliu ki hono vahe e tuʻunga fakatakimuʻa fakaʻēliá, ʻo kamata ʻi he ʻaho 1 ʻo ʻAokosi 2015. Ko e Kau mēmipa kotoa ʻo e Palesitenisī Fakaʻēliá ko e mēmipa kinautolu ʻo e Kōlomu ʻUluakí pe Kōlomu hono Ua ʻo e Kau Fitungofulú.

ʻOku ui ʻa e Kau Fitungofulú ʻi he fakahā, ʻi he fakahinohino ʻa e kau Palesitenisī ʻUluakí, ke tokoni ki he Kōlomu ʻo e Kau ʻAposetolo ʻe Toko Hongofulu Mā Uá ʻi heʻenau ngāue ʻi he funga ʻo e māmaní.

Naʻe pehē ʻe Palesiteni Poiti K. Peeka ko e Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá, “ʻOku foki e hisitōlia ʻo e Kau Fitungofulú ki he Fuakava Motuʻá.”¹ Ko e ʻuluaki fakamatala ki he Kau Fitungofulú, ʻoku maʻu ia ʻi he ʻEkesōtosi 24:1, pea toe ʻasi kimui ange ʻia Nōmipa 11:16–17, 25, ʻi hono fakatahatahaʻi kinautolu ke tokoni kia Mōsesé.

ʻI he lolotonga ngāue ʻa Kalaisi he māmani, naʻá Ne ui ʻa e Kau Fitungofulú, ʻo fakahinohinoʻi kinautolu ʻi ha founga tatau pē mo e kau ʻAposetolo ʻe Toko Hongofulu Mā Uá, pea fekau atu kinautolu “ʻi he ʻao ʻo hono fofongá,” mo fakamatalaʻi ange ko kinautolu ʻoku fanongo ki honau leʻó te nau fanongo ai ki Hono leʻó (vakai, Mātiu 10:1, 16–17; Luke 10

Naʻe pehē ʻe Palesiteni Peeka, “ʻOku mau tui ki he ngaahi lakanga tatau ko ia naʻe fokotuʻu ʻi he Siasí ʻi he kuonga muʻá.” “Pea naʻe kau ai ʻa e Kau Fitungofulú.” Vakai, Ngaahi Tefito ʻo e Tuí 1:6 ʻI he tupu vave ʻa e Siasí ʻi he ngaahi ʻahó ní, ʻoku ʻi ai e fatongia mahuʻinga ʻo e Kau Fitungofulú ke tokoni ki he Toko Hongofulu Mā Uá. Naʻe pehē ʻe Palesiteni Peeka, “ʻE lava ʻe he Kau Fitungofulú, ʻi hano vahe kinautolu ki ai, ʻo fai ha meʻa pē ʻe fakahā ange ʻe he Toko Hongofulu Mā Uá ke nau fai.”²