Te Babaire n Tokanikai
Aei ana tai n takakaro n te tiim n tokanikai—e kanga ni kangai tiaki?
“Ko na uringa te boong ae te Tabati, n tabuia” (Motiaea 13:16).
E kawaekoa Miranda nakon te mataroa are i moa, ni kakaitau bwa ana auti e mwaitorotoro riki nakon tain te tiamwa ae kabuebue itinaniku. E maonotiti man ana kabanea n tai n takakaro ao ni kua ibukina bwa a konaaki ana tiim ae Teal Turbo. Tetaina riki.
E rinnako n te ruu Tinau ma uotana te bwatoro n ran ao te baeki ae nikirana te aoranti ae korekoreaki man te takakaro. “E nakoraoi am takakaro. N riki bwa te kouru bon te nne ae matoatoa n te takakaro.”
Miranda e a tia n takakaro raoi—e a tia n tuuki taian booro ao n oro n ae korakora riki n aron ae taneiai iai. Ma angiina ataeinaine ake tabeman a bon tuai man takakaro n te butibooro mai imwaaina, ao n te boong aei e baireaki: bwa a konaaki ni katoa tai n takakaro n te tai aei.
“I iangoia bwa N na toka n te tiim are e na moanna n tii te tai ae uarereke, ko ataia?” A waanako ranin matan Miranda ao ni bwaka iaon kunnikaina ni kamariri ae mawaawa ae kiriin. Ngke e kamatuui matana, e a tang te tareboon.
E tabeka te tareboon tinau ao teutana te tai imwiina e taku, “Bon i bukim.”
“Mauri, Miranda? Aei Tom, te kouti n te tiim ae Chili Kickers. I mamataku n am takakaro n te boong aei. E nakoraoi taraam ikekei.”
E moanna ni bukibuki manawan Miranda n te tai ae waekoa. Te Chili Kickers bon te tiim ae te kabanea n nakoraoi n te bootaki n takakaro!
“Ara tiim e nang riki bwa te tiambion n te takakaro n te namwakaina are imwiina. E nakoraoi am takakaro n te boong aei ngaia I tangiria bwa ko na raoniira n riki bwa te bono-mwii ni kouru.”
E rootaki n te kukurei Miranda. Aei ana tai n takakaro n te tiim ae tokanikai!
“I tangiria n roko!” E taku Miranda. A maroro inanon tabeua te miniti ibukin taekan aia takakaro imwaain ae katuka te tareboon ao ni biri nakon te ruu are teuana ao n tuanga tinana. A uaia ni koroi boongin taai ni kataneiai n takakaro iaon ana karenta aia utu.
N te tai ae waekoa e toki ana koroboki tinana, e toki ana been iaon teuana te karenta.
“Uh-oo. Miranda, takakaro aikai a na boo n te Tabati. Ikai, taraia.” E kotea tain bairean te takakaro ao n rairaki nakon Miranda ma matana ae raraoma. “Tera ae ti riai ni karaoi n am iango?”
E moanna ni bwara nanon Miranda, ao e tenaa riana ngkai e tabe iangoa ana rinerine. E na bae ni kariaia tinana n takakaro ngkana e bubuti, ma ngke e iangoa aron te takakaro n te Tabati—ao ai moararariki te tiku n aki taromauri—e namakina te nimatoaua i birotona. E ataia bwa te Tabati bon ibukin te nako n taromauri ao neboan te Tama are i Karawa, ao e aki kona ni karaoi baikanne n ana tain ni butibooro.
“I taku bwa I riai n tarebonia ao n tuangnga I aki kona n takakaro,” e taku Miranda. E kataia bwa e na aki tang. E ngae ngke e ataia bwa tiaki te rinerine ae eti, e kanganga katokan te bwai are e rang tangiria.
“Ao ko ataa te bwai ae I iangoia?” E taku tinau, N na rabwatia ni koonna. “I taku bwa te ataei ngkoe ae ko nakoraoi.”
Te Tabati anne, ngkai e tekateka Miranda n te Buraimwari, e iangoa aron te babaire ae tamaroa are e karaoia. E miimi te kouti ngke e tareboon Miranda ao n taku bwa e aki kona n takakaro n te butibooro n te Tabati. E kataia ni karekea bwa e na bita ana iango, e a bon matoatoa n ana babaire. Ngkai, n aron ae kakauongo nakon kunan te Buraimwari ao taian reirei, e moangare Miranda. Namakinan te rau inanona e tuangnga bwa e mena n te tabo ae eti. E a ti a ni karaoa ana babaire n tokanikai iaon bwaai ni kabane.
Kamatata iroun Brad Teare