Tataro Ibukin Kawaiu n roko i Rotuma
John K. Muaror, New South Wales, Australia
(Te tia koro karaki e a tia ni mate.)
Kamataata n te tamnei iroun Allen Garns
“Te Westerlande nako ngkoananoa,” butikau e taku ngke e kamauriira n te marae ni wanikiba i Nadi International Airport i Fiji.
I nanokaawaki ao n aki kukurei n te rongorongo. Te MV Westerland bon te kaibuke are ti na toka iai nako Rotuma n nora mwaneu ae ikawai. Rotuma e kaniia 375 te maire (600 km) i meangmaeaon Viti Levu, abamakoron Fiji ae te kabanea ni bubura. Ngkana e kitaniko te kaibuke, ko na tataninga inanon boong ke wiiki ibukin te kaibuke are imwiina.
Te ririki areimwaaina I nako Rotuma ni buoka mwaneu ni katamaroa ana auti tibura te unaine, ao I kitanna ibukin te aki boraraoi n te mwakuri. Ngkai I tangiria n aitara mata ma ngaia ao n tuanga bwa I nanokawaki n te tai arei.
Te wiiki imwaain buu te aine, Akata, ao ngai ti kiba nako Fiji mai Australia, ai natiu te aine e tuangai bwa te Westerlande na nako Rotuma te boongina imwaain are ti na roko iai. I waekoa n tareboniia aobitin te kaibuke ao ni butiia bwa a na taona mwanangaia inanon uaboong.
“Akea, ti aki kona e ngae ngkana ti tangiria,” e roko te kaeka. “Te Kauntira n Rotuma e katauraoi ibukin te amwarake ni kaitibo, ao te kaibuke e kainnanoia ni mwananga n aron are e baireaki.”
Te iango e wakeoa n roko n au iango, ao I baireia n aki mamatam ao n tataro.
“Te Tama are i Karawa ae ko tangiraki,” I tataro, “I rangi n tangiria n iira te kaibuke nako Rotuma. I kakoaua bwa a aki kona n taona mwanangaia inanon teboongina ke uaboong, ma Ngkoe iai mwaakam ni karaoia. Ko kona n taiaoka ni kanakoa teuana te bautin te tabo teuana iaon te kaibuke bwa e na kawaeremwea te mwananga bwa I aonga tokaria? I kainnanoia n nako Rotuma ao ni karekea te raoi ma mwaaneu.”
Imwiin ongoraen te rongorongo ae e aki kakukurei, ti a nakon te matabaiawa n iteran te abamakoro are teuana. Ikekei, e ngae n anne, ti ongo bwa te kaibuke e a tia n riki ana kangaanga te intin ao e tuai ni mwananga. Te Tama are i Karawa e a tia ni kaeka au tataro! N aron are e riki, te intin ae bwanin—tiaki tii teuana te bauti—are e na kanakoaki ni karaoa te raran n te oera ae bubura.
Ngke te kaibuke e mwananga teuana te wiiki imwiina, I a toka iaona. Ngke I a roko i Rotuma, I a rabwata mwaaneu ao ni kabwara au bure, ao ti kaoka ara reitaki. Bon te boong ni koaua ae kakukurei.
N na bon reitinako ni kakaitau ibukin kamiimin te tamnei ao ibukin ana euangkerio Iesu Kristo ae kaokaki. Bon te kakoaua bwa kakai a teimatoa n riki n te boong aio, ao bwa te Tama are i Karawa e maiu ao ni kaekai ara tataro,man te nano ae koauabwa te tataro ao te aki mamatam a uaia n airi, ao bwa te euangkeio e bon koauainanon te kaawa ae uarereke n te abamakoro ae uarereke i Rotuma.