Te Kawai nakon te Kamanoaki

Iroun Beretitenti Henry B. Eyring

Moan Kauntira n te Moan Beretitentii

Man “Kakaean te Kamanomano inanon Taeka n reirei,” Riaona, Turai 1997, 23–25.

Teuana man taian kawai are ti na kona n ataia bwa te kauring bon mai iroun te Uea bon te tua mai irouia taan kakoaua, kariaiakaia taan kakoaua, e a tia n taekinaki.

Images from the April 2013 general conference.

E taraa n akea tokin nanon te Tia Kamaiu ni kairiira nakon te kamanoaki. Ao iai te teimatoa n akea te bitaki inanon te kawai are E kaota te kawai nakoira. E weteia n ae raka iaon teuana kawai bwa e aonga n roko irouia ake a tauraoi ni butimwaaia. Ao kawai akanne n taainako n ikotaaki ma kanakoan te rongorongo man wiia Ana burabeti n te tai are aomata a tau ni karekea ana burabeti te Atua ibuakoia. Tooro akanne ake a kariaiakaki n taainako a mwiokoaki ma kauringakiia aomata, n tuangiia te kawai nakon te kamanoaki.

Ngke e rikirake te kangaanga i Missouri meang, USA, n tain te bwaka n 1838, te BurabetiIotebwaTimiti e weteia ni kabane Aomata aika itiaki a bootaki bwa a na nako nakon Far West ibukin kamanoaia. Angiia a maeka n onaroka/niman aika raroa man tei n tingaia n taabo ni maeka aika maenako. E teretere ana taeka nakon Jacob Haun, te tia katea te tabo ni maeka ae uarereke ae aranaki bwa Haun’s Mill. Ana rekooti te tia kakoaua are e maeka n te tai anne bon aio: “Te Tari Iotebwa e a tia ni kanakoa te taeka iroun Haun, are bwaina te tabo ni karaobwai, n tuangiia taari ake a maeka ikekei bwa a na kitana ikekei ao naako i Far West, ma. Haune aki karokoa te rongorongo” (Philo Dibble, inanon “Early Scenes in Church History,” inanon Four Faith Promoting Classics [1968], 90). Imwiina riki, te Burabeti Iotebwa e rekootinna inanon ana karaki ni kawai: “Ni karokoa te boong aio te Atua e a tia n anganai te wanawana ni kamaiuia aomata ake a ongo taeka n reirei. Akea ae e a tia n tiringaki are [e a tia n ongo] au taeka n reirei” (History of the Church, 5:137). Imwiina te Burabeti e rekootinna te koaua ae kananokaawaki ibukiia ake maiu aika akea aia bure a na kona ni kamaiuaki man ana taeka n reirei ake a tia ni karekeaki ao n iiraki.

Inanon oin ara tai, ti a tia ni kauringaki ma taeka n reirei bwa ti na kunea iaara te kamanoaki man te bure ao te nanokaawaki. Teuana man taian kiing ibukin kinaakin kauring akanne bon man are a kaokiokaki. Ibukin te kabootau, e raka iaon teuana te tai inanon maungatabu ni kabuta aikai, ae ko a tia n ongo irouia ara burabeti n taku bwa e na taekina ana taeka te burabeti are imwaaina ao ai ngaia are e na riki bwa te kauoman n kakoaua ke n tabetai te kateniman. … Te Abotoro Bwauro e koreia bwa “ana kamatoaaki taeka ni kabane ni wiia taani kakoaua aika uoman ke teniman” (2 I-Korinto 13:1). Teuana man kawai are ti na kona iai n ataia bwa te kauring bon mai iroun te Uea bon te tua mai irouia taan kakoaua, kariaiakaia taan kakoaua, e a tia n taekinaki. Ngkana aia taeka burabeti a taraa ni kaokiokaki, anne e ria n atika ara iango ao ni kaona nanora ma te kakaaitau ni maeka n te tai ae kakabwaiaaki. …

Tamara are i Karawa e tangiriira. E kanakoa Natina te Rikitemanna bwa e na riki bwa ara Tia Kamaiu. E ataia bwa inanon te maiu ae mamate ti na mena inanon te kamaamate ae korakora, te kabanea ni buakaka mai iai bon ana kariiri te tia kaitara ae e buakaka. Anne teuana bukina ngkai te Tia Kamaiu e a tia ni katauraoi kingiin te nakoaniboonga bwa aonga te koraki ake iai taningaia n ongo ao ake iai aia onimaki n ongotaeka n nakon taabo ni kamanomano.