Bwaana Am Tooti: 30-Te Boong ni Kataaki

Ibukiia kairake n te Ekaretia ma maiuia aika rangin n tabetabe, e kona n rangin ni bebete ni karaoi bwaai ti ibukina bwa aia katei, riki ni kaineti ma bwaai n tamnei. Ti wareki booki aika tabu, tataro, ao n nebonebo n te kawai ae ti tebo ma e kuri ni katoaboong ao ni mimi bwa bukin tera ti taraa n aki waaki ma te tamnei.

Teuana mai ibuakon kawai ni kawakina otamwakan am tooti n tamnei bon man kakoauana ae iai am atatai n tamnei ae boongana. Ma anne e bebete riki nakon ae taekinaki ae a tia, ngaia ae aio te iango ni buokiko ni kateimatoa am waaki n tamnei: Iangoa te taneiai ni waakin te euangkerio ae ko tuai kakaraoia ma imwaina (ke n aki kona ni karaoia) ao berita bwa ko na kakaraoia ni katoaboong ibukin te namwakaina. Ko kona ni waaki n ae uarereke ibukina bwa ko na kunea bebeten bitakin aika uarereke nakon aika akea tokiia. Karaoan bwaai n tamnei aika tiaki tataneiai ni karaoi e bae n tangira te onimaki te mwakuri ae bati riki mai iroura, ma ngkana ti karaoi, ti kaoa te Tamnei ae Raoiroi bwa e na raoniira, ao ti kaota te onimaki ae korakora riki iroun te Tama are i Karawa ao te nano ni kani kaniira riki ma Ngaia. Aikai tabeua iango bwa ko aonga ni wakinna: