ʻOku nofo ʻa e tokotaha naʻá ne faʻú ʻi ʻIutā, USA.
Ako fakataha ki he Fuakava Foʻoú ʻi he taʻú ni!
ʻĪmisi
Product Shot from December 2015 Liahona
ʻI he Kilisimasí, ʻoku fakamanatua ai ʻe he kakai kotoa ʻi he māmaní e ʻaloʻi hotau Fakamoʻui ko Sīsū Kalaisí. ʻE ʻi ai ha ʻaho te tau fakamanatua ai ha toe ʻaho fakaʻofoʻofa ia ʻe taha—ko e Hāʻele ʻAnga Uá, ʻi he taimi ʻe toe liuaki mai ai ʻa Sīsū ki he māmaní! Kuo akoʻi mai ʻe he kau palōfitá ʻa e meʻa ʻe hoko kimuʻa pea toe hāʻele mai ʻa Sīsuú. Ko e taha ʻo e ngaahi meʻa ko iá ko hono malangaʻi ko ia ʻo ʻEne ongoongoleleí ki he funga ʻo e māmaní kotoa.
ʻOku tokoniʻi kitautolu ʻe he tui ki he Tamai Hēvaní mo Sīsū Kalaisí ke tau ongoʻi nonga, neongo e taimi ʻoku ngali fakailifia ai e meʻa ʻoku hoko he māmaní. Ne tala ʻe Sīsū, “ʻOku ou tuku ʻa e melinó kiate kimoutolu, ko ʻeku melinó ʻoku ou foaki kiate kimoutolú: ʻoku ʻikai hangē ko e foaki ʻa māmaní, ʻa ʻeku foaki kiate kimoutolú. ʻOua naʻa mamahi homou lotó, pea ʻoua naʻa manavahē ia” (Sione 14:27).
ʻI hoʻo fakakaukau fekauʻaki mo Sīsū ʻi he Kilisimasi ko ʻení, manatuʻi te Ne toe foki mai ʻi ha ʻaho, ʻo ʻikai ko ha pēpē ka ko e Tuʻi ʻo e Ngaahi tuʻí. Pea ʻe toki ʻilo ʻe he tokotaha kotoa ko Ia ʻa e ʻAlo ʻo e ʻOtuá pea mo e Fakamoʻui ʻo e māmaní!