Ngaahi Fakakaukau Maʻá e Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo e ngaahi ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. Ko ha sīpinga ʻeni ʻe ua.

The holdings attached to this bib record are part of the 1990 acquisition of Carl Bloch paintings. The painting was cleaned and restored prior to being photographed by Danish photographer Hans Petersen.

Fakaikiki mei he Christ Healing the Blind, by Domenico Fiasella, angaleleei ʻa e John and Mable Ringling Museum of Art; toʻomataʻú: The Holy Night, fai ʻe Carl Heinrich Bloch

“Fiemālie Pē,” peesi 34: ʻOku fakaafeʻi kitautolu ʻe ʻEletā Kulisitofasoni ke tau fakafaingamālieʻi ha taimi ʻi he Kilisimasi ko ʻení ke tau tangutu fakalongolongo ʻo fakakaukau ki he pēpē ko Sīsuú. Fakakaukau ki hano lau fakataha mo e fāmilí ʻa e fakamatalá pea mou fakaafeʻi e laumālie ʻo e ʻapasiá ʻi hoʻomou lau ʻa e folofolá, hiva ha ngaahi himi, pe mamata ʻi he ngaahi vitiō faka-Tohi Tapu (lava ke mamataʻi ʻi he Biblevideos.org) fekauʻaki mo hono ʻaloʻi ʻo e Fakamoʻuí. Pea tuku ki he tokotaha kotoa ke fakakaukau ki he ʻaloʻi ʻo e Fakamoʻuí mo ʻene ʻuhinga kiate kinautolú. Te ke lava ʻomi ha ngaahi tohinoa pe pepa kiate kinautolu ʻoku nau fakaʻamu ke hiki ʻa ʻenau ngaahi fakakaukaú. Kole ki he mēmipa ho fāmilí ke nau vahevahe ʻenau fakakaukaú ʻo kapau ʻoku nau loto ki ai.

Vitiō faka-Kilisimasi, Mormon.org: Fakakaukau ki he ngaahi founga ʻe lava ai ho fāmilí ʻo ngāueʻaki ʻa e vitiō faka-Kilisimasi ʻo e taʻu ní ke vahevahe e ongoongoleleí mo e niʻihi kehé. Te ke lava ʻo ngaohi ha fanga kiʻi fakaneifua faka-Kilisimasi ke vahevahe mo e ngaahi kaungāmeʻá pea tufa atu ia mo ha kaati ʻoku hā ai ʻa e tuʻasila ʻinitaneti ki he vitioó. Te ke lava foki ʻo palani ha kiʻi tuʻuaki fakafāmili he mītia fakasōsialé pea fatu ha ngaahi taumuʻa pe ko e kakai ʻe toko fiha te ke lava ʻo vahevahe ʻa e vitioó mo kinautolú. Ko ha founga ʻe taha ko hano fakaafeʻi mai ʻa e ngaahi kaungāmeʻá ke mou mamata fakataha ʻi he vitioó.