Ngaahi Founga ke Tokoni ai ʻi he Taimi-Kilisimasí

Naʻe tuku ʻe Palesiteni Monisoni ha taimi ke ʻaʻahi ai ki he kau toulekeleká pea mo kinautolu ʻi he ngaahi senitā maʻá e kau toulekeleká, tautautefito ki he taimi Kilisimasí. Naʻá ne pehē ʻoku ʻi ai ha niʻihi ʻoku nau fiefia koeʻuhí ko ʻenau maʻu ha kau ʻaʻahi, kae siʻi fakaʻamua ʻe ha niʻihi ha kau ʻaʻahi ʻoku ʻikai pē ke nau ʻasi ange kinautolu. ʻOku ʻi ai ha kakai ʻoku nau tatali ki ha taha—mahalo pē ʻi he Kilisimasi ko ʻení, te ke lava ʻo hoko ko e tokotaha ko iá.

Ko ha lisi ʻeni ʻo ha ngaahi founga te ke lava ai ʻo tokoni ke fakapapauʻi ʻoku ʻikai tuenoa ha taha ʻi he Kilisimasi ko ʻení. Ongoʻi tauʻatāina ke ke fakakaukau ki ha ngaahi founga lahi te ke lava ai ʻo tokoni ʻi homou koló he faʻahitaʻu ko ʻení. “ʻOku ʻi ai nai ha tokotaha ʻoku tatali mai ke ke ʻaʻahi ange?”

Ngaohi ha fanga kiʻi kaati Kilisimasi ke ʻave ki he kau faifekaú pea mo e kāingalotu teʻeki mali mo toulekeleka ʻi ho uōtí pe koló.
Ngāue tokoni ʻi ha kautaha fakafeituʻu ʻi he koló.
ʻAve ha ngaahi tatau ʻo e Tohi ʻa Molomoná ko ha meʻaʻofa Kilisimasi ki ho ngaahi kaungāmeʻá mo e kaungāʻapí.
ʻAʻahi ki he kau toulekeleka ʻi ho uōtí pe fāmilí.
Ngaahi ha fanga kiʻi fakaneifua ʻo tufotufa ki ho ngaahi kaungāʻapí.

Ki ha ngaahi fakakaukau lahi ange ki he ngaahi founga ke ke ngāue tokoni ai ʻi ho koló, vakai ki he lds.org/topics/humanitarian-service/help.