Paghimo og Kaayuhan sa tibuok Kalibutan

Ang mga Santos sa Ulahing mga Adlaw padayong nagsunod sa ehemplo sa Manluluwas sa “pagpangadto-adto sa paghimo og kaayuhan” (Mga Buhat 10:38). Ania ang pipila ka mga ehemplo.

Sa Abu Dhabi, United Arab Emirates, ang mga miyembro sa Simbahan ug mga higala gikan sa siyam ka mga nasud sa Middle East—mga lumad sa unom ka kontinente—nagpundok alang sa usa ka komperensya ug sa lain-laing mga tinuohan para sa humanitarian nga proyekto. Nanghimo sila ug miapud-apod sa 8,500 ka mga kit para sa kalimpyo sa panglawas ug mga pinutos nga pagkaon.

Sa Uganda, duha ka dentista ug tulo ka oral nga hygienists, puro mga Santos sa Ulahing mga Adlaw, migahin og usa ka semana sa pagpangpasta ug pagpangibut ug pagpanglimpyo og ngipon, pagtudlo og oral nga pag-atiman sa panglawas, ug pagtudlo sa lokal nga mga dentista ug sa mga estudyante nga dentista sa pinakamaayong mga buhaton.

Sa Malaysia, ang mga miyembro sa Simbahan nag-focus sa pamilya atol sa selebrasyon sa Chinese New Year, usa ka kalihokan nga naglakip sa tradisyunal nga pagbisita sa mga lubnganan samtang gihinumduman, gipasidunggan, ug gitahud ang mga katigulangan.

Sa Thailand, ang mga miyembro nga nag-edad og 18 ngadto sa 35 nagpundok sa Bangkok alang sa kompetisyon sa pagpangluto ug usa ka pagserbisyo nga proyekto.

Sa Fiji, ang mga miyembro ug mga misyonaryo mihatag og mga makahupay nga paningkamot sa mga biktima sa Cyclone nga Winston. Ang mga lider sa Simbahan nakigtambayayong sa gobyerno ug dili gobyerno nga mga organisasyon sa paghatag og pagkaon, tubig, mga tolda, pinutos nga mga panglimpyo sa lawas, ug ubang emerhensya nga mga suplay.