Elder S. Mark Palmer

General Authority Seventy

Niadtong 1992, ang oras usa ka bililhon ug limitado nga butang alang ni Elder S. Mark Palmer ug sa iyang asawa nga si Jacqueline.

Si Elder Palmer nagserbisyo sa stake high council nianang higayuna. Naningkamot sab siya nga mapalambo ang iyang propesyunal nga panarbaho. Ang oras ni Sister Palmer gamay ra kaayo. Ang pamilyang Palmer nagpadako og unom ka anak sa ilang Austin, Texas, USA, nga panimalay—lakip sa unom ka bulan nga batang lalaki.

Dihang ang ilang stake president midapit nila nga mag-temple worker sa Dallas Texas Temple, wala sila kahibalo kon unsaon nila sa paghimo ang gidugang nga usa ka katungdanan. Apan gidawat nila ang tawag—ug dayon mainampoong nangayo og tabang sa Ginoo.

Ang paghimo og binulang pagbiyahe sa bus aron moserbisyo sa tibuok adlaw sa templo nagkinahanglan og sakripisyo ug mainampingon nga pagplano. “Apan mipanalangin kini sa among kinabuhi sa hilabihan,” miingon si Elder Palmer.

Ang pagserbisyo sa templo, midugang siya, nag-andam kaniya sa espirituhanong paagi alang sa umaabut nga mga calling sa priesthood. Naghimo usab kini niyang mas maayong bana ug amahan—ug nakita niya ang pagkabalanse sa busy niyang kinabuhi.

“Ang pag-adto sa templo sa kasagaran makatabang sa pagbag-o sa imong mga prayoridad ug mapahinumduman sa mga pakigsaad nga imong gihimo,” miingon siya.

Si Stanley Mark Palmer natawo niadtong Pebrero 11, 1956, sa Te Puke, New Zealand, ngadto kang Kenneth ug Jill Palmer. Mipasakop sa Simbahan ang iyang pamilya sa gamay pa siya nga bata. Miserbisyo siya og full-time nga misyon sa New Zealand Wellington Mission.

Human siya makakuha og undergraduate degree sa University of Auckland, nag-enrol siya og master of business administration nga programa sa Brigham Young University. Samtang nagpuyo sa Provo, Utah, USA, nahimamat niya ang returned missionary nga ginganlan og Jacqueline Wood sa usa ka blind date. Naminyo sila niadtong Disyembre 18,1981, sa Salt Lake Temple. Ang mga Palmer dunay unom ka anak ug siyam ka apo.

Si Elder Palmer ang founder ug presidente sa SMP Ventures, usa ka real estate development nga kompanya. Nakaserbisyo siya isip bishop, stake president, presidente sa Washington Spokane Mission (2009–12), interim president sa Australia Sydney South Mission (2014), ug Area Seventy.