O La Tatou Itulau

O Iesu e pei o se leoleo mamoe lelei, ae o i tatou o Ana mamoe. E manao o Ia e tausi i tatou.

Victoria P., 10 tausaga, Itu o Federal, Pasila

Sa i ai se mea manaia na tupu i le fitu o o’u tausaga. Sa ou manao e iloa pe moni le Ekalesia. O lea sa fai ai sa’u tatalo ma fesili atu i lo tatou Tama Faalelagi. Na uma la’u tatalo, ona ou taoto lea ou te moe. Sa fai sa’u miti lea na ta’u mai ai e Iesu Keriso ia te a’u, “O le Ekalesia moni lenei.” Ina ua ou ala a’e, sa ou manatuaina la’u miti, ma na ou iloa ai, sa ou i ai i le Ekalesia moni.

Miranda R., 9 tausaga, Querétaro, Mekisiko

Ua ou fiafia o a’u o se tagata o le Ekalesia. O Iesu Keriso o la’u uo ma e puipuia a’u ma lo’u aiga. Ou te fia asiasi i le malumalu. Ou te fiafia i afiafi faaleaiga ma le Peraimeri.

Angel M., 11 tausaga, Colón, Panama

Mo se sini i le matou tamaitusi o le Faatuatua i le Atua, sa matou filifili ai e fai se faataitaiga o le Malumalu o Montevideo Iurukuei. Na alu ai le tausaga o fai, ae na aoga lava. A atoa le 12 o o ma tausaga, o le ma sini ia mafai ona ma o atu i le malumalu.

Samuel O., 10 tausaga, ma Enzo S., 11 tausaga, Rivera Department, Iurukuei

O Lou Taimi!

E mafai ona faasoa mai lou aafiaga, molimau, ma le ata i le O La Tatou Itulau. Imeli i le [e-mail] ma ia aofia ai se faatagaga a matua, pe asiasi i le liahona.lds.org ma kiliki i le “Submit an Article.”