Agai Atu i le Ala o le Faateleina o le Ola-Tutoatasi

Pe o faateleina lou ola tutoatasi i aso taitasi?

Faatulaga oe lava i nei faamatalaga ia maua ai se vaaiga o le mea o loo e i ai i le malaga agai atu i le ola tutoatasi.

O le iloiloga lenei e le o se lisi atoa o taiala. A o outou suesueina ma lou aiga lenei autu ma fefautuaa’i faatasi, e mafai ona uunaia oe e le Agaga ia iloa ai auala e faaleleia atili ai.

I le maea ai o le iloiloga faaletagata lava ia, mafaufau e faatutu nisi o sini i eria sa e maua ai ni togi maualalo.

Ki o tali1 = E le taitai lava, 2 = O nisi taimi, 3 = E masani lava, 4 = Toetoe lava o taimi uma, 5 = O taimi uma lava

Saunia

1. O loo i ai sa’u tinoitupe ua faataatia ese e faaaoga pe a i ai se mea e tupu faafuasei.

2. Ou te teuina i lo’u fale ia sapalai mo manaoga faafuasei (e pei o palanikeke, moligao, moliuila).

3. Ou te teuina pepa taua i se nofoaga malu, ma o loo ou iloa ma iloa e le matou aiga le mea e maua i ai.

4. Ou te faataua soo mai ma teu ni meaai ma ni vai faasili.

5. Ou te faaaogaina meaai e teu o loo i ai, ma toe sui mai i meaai fou ina ia le uma le aoga.

Galuega

1. Ou te faia taumafaiga e faaleleia atili ai o’u tomai faigaluega ma le faimeamae’a e ala i semina ma vasega e lagolagoina e falefaigaluega.

2. E mafai ona ou faigaluega lelei ma isi, ma latou te faatuatuaina a’u.

3. A o le’i faia le sailiga o galuega, ou te sailia ni manatu faaalia i la’u tusi talosaga ma o’u tomai i faatalatalanoaga.

4. Ou te agaga tatalo ma mautinoa a o sailia se galuega.

5. Ou te vaavaai mo avanoa e faia ai ni fesootaiga fou ma ni tagata e faamoemoe e oo atu ai ina faigaluega.

Tupe

1. Ou te sailia ni auala e sefe ai tupe e ala i le faaititia o tupe faaalu i mea e le manaomia.

2. E masani ona ou tuueseina se tupe i se teugatupe po o se teugatupe e faafaigaluega [inivesi].

3. Ou te aloese mai le faia o aitalafu e le manaomia.

4. Ou te totogia se sefuluai faamaoni ma foai se taulaga anapogi ma le limafoai.

5. Ou te tausia lelei a’u meatotino ina ia umi se taimi o aoga.

Soifua Maloloina Faaletino

1. Ou te faia se taumafaiga e faamalositino soo.

2. Ou te ai i meaai maloloina ma lava vai e inu i aso uma.

3. Ou te ola i le Upu o le Poto ma uunaia isi ia faia foi faapea.

4. Ou te aloese mai le avea o vailaau faasaina ma se vaisu.

5. E lava la’u moe ma aloese mai le moeumi.

Aoga

1. Ou te sailia avanoa aloaia ma le aloaia e aoao ai.

2. Pe a saili ia maua nisi aoaoga, ou te vaavaai mo punaoa e pei o sikolasipi po o le Tupe Faaagaga mo Aoga.

3. Ou te taliaina le faailoa atu i manatu ma finagalo e ese mai ia te a’u.

4. Ou te sailia le Agaga ina ia fesoasoani ia ou iloatino ai le mea moni ma taofimau ai mea ou te aoaoina.

5. Ou te faaaofia ai le suesueina o le talalelei i aso taitasi o se vaega o a’u aoaoga.