Autalavou
Faasoa Atu o le Fiafia e Faavavau
O se tasi o mea e sili ona manaia e uiga i le talalelei o le malamalama e uiga i le ata o le faaolataga. Tatou te maua le avanoa matagofie e faatasi ai ma o tatou aiga mo le faavavau. O lena malamalama e fesoasoani tatou te maua ai le faamoemoe i soo se taimi tatou te lagona ai le lofituina e le lalolagi. Ua aoao mai Peresitene Eyring, “E silafia e lo tatou Tama Faalelagi agaalofa o tatou loto. O Lana fuafuaga o le aumaia ia i tatou o le fiafia (tagai 2 Nifae 2:25). O lea na Ia tuuina mai ai le meaalofa o Lona Alo ia mafai ai ona maua le olioli o sootaga faaleaiga e faaauau e faavavau. … O se ofo lea e mafai ona maua e atalii ma afafine uma o le Atua e o mai i le lalolagi.”
O lena faamanuiaga e faatatau ia i tatou o loo ola i le taimi lenei ma ia i latou o e ua maliliu—peitai e na o la tatou fesoasoani lava e mafai ai. O o tatou tuaa o loo i le lalolagi o agaga i le taimi nei, o loo faatalitali mai mo i tatou e saunia o latou igoa mo sauniga o le malumalu ina ia faataunuuina e fai ai ma o latou sui. Peitai o nisi o taimi e faigata ai ona fai le galuega mo i latou. Atonu tatou te pisi tele, pe atonu e mamao mea tatou te nonofo ai mai se malumalu e o atu soo ai i ai.
O le mea e lelei ai, o loo i ai isi auala e mafai ona tatou fesoasoani ai i o tatou tuaa, e pei o le faiga o galuega talafaasolopito o aiga, taina faalelei o igoa o tagata ua maliliu, po o le vaaiga o nai o tatou tei ae o atu o tatou matua i le malumalu. E ala i le fesoasoani atu, tatou te auauna atu ai i le Alii ma aumai le faamoemoe o aiga e faavavau ia i latou o loo i le isi itu o le veli.