Fa’ahorora’a nō te mau ’ā’amu o te ’āmuira’a

Teie te tāpura nō te mau ’ā’amu tei fa’ati’ahia i roto i te mau a’ora’a o te ’āmuira’a rahi, e nehenehe te reira e fa’a’ohipahia i roto i tā ’outou iho tuatāpapara’a, te purera’a pō ’utuāfare ’e te tahi atu mau ha’api’ira’a. E fa’a’itera’a te nūmera nō te ’api mātāmua o te a’ora’a.

Ta’ata a’o	’Ā’amu
Neil L. Andersen	(35) E tae te fa’afāriura’a i te rahira’a ta’ata ’a toro ai te mau melo o te ’Ēkālesia i te rima ia rātou « ’ei ’ite nō te Atua ».
M. Russell Ballard	(90) I te tai’ora’a ’oia i te Ioane 17 i tōna ’utuāfare i te Fenua Mo’a ra, ’ua pure ’o M. Russell Ballard ’ia hō’ē ’oia ’e ’o rātou nā reira ato’a ’e te Metua ’e te Tamaiti.
W. Mark Bassett	(52) I tōna ’āpīra’a, ’ua tāmata ’o W. Mark Bassett ’e tōna taea’e i te pana i te mau tuha’a iti mētara o te hō’ē hōho’a pāpa’a parau ’auro, tei tāpirihia.
Jean B. Bingham	(6) ’Ua hoe fa’aū noa Jean B. Bingham ’e te hō’ē pupu feiā ’āpī tamāhine i te mata’i ’e i te tauira’a te reira, ’ua hāmani a’era i te ’ie. ’Ua ta’ahi te hō’ē tamāhine iti i tōna pere’o’o ta’atahi i te hō’ē fare « māramarama ’auro » ’e ’ua ’ite ato’a ē, e māramarama ’auro ato’a tō tōna iho fare. ’Aita te mau ta’ata i hina’aro e ’ite i te tupura’a rahi o te hō’ē taure’are’a tei manuia.
D. Todd Christofferson	(48) ’Ua tupu te ’oa’oa rahi o Helen Keller i te tauturura’a tāna ’orometua iāna ’ia hāro’aro’a i te aura’a o te mau ta’o.
Carl B. Cook	(11) ’A feruri ai ’oia i te hō’ē tītaura’a tā tōna pāpā rū’au tupuna i fāri’i nō ’ō mai i te peropheta Iosepha Semita, ’ua fāri’i ’o Carl B. Cook i te ha’apāpūra’a ē tāna tītaura’a ’āpī nō te ’Ēkālesia nō ’ō mai i te Atua ra. ’Ua fa’arahi te hō’ē melo ’āpī i tōna fa’aro’o ’e ’ua upo’oti’a i ni’a i tōna mau ri’ari’a nō te ha’api’i i te Paraimere.
Quentin L. Cook	(40) ’Ua māramarama mai ’o Quentin L. Cook nō te aha tōna pāpā e hi’o ai i te pou uira mai te hō’ē ha’amaita’ira’a ’eiaha rā mai te hō’ē ’ōfa’i turorira’a nō te hi’ora’a i te fenua nehenehe.
J. Devn Cornish	’Ua taui te orara’a ’o J. Devn Cornish ’a parau ai te hō’ē taote ha’api’ipi’i pa’ari iāna ē e riro mai ’oia ’ei hō’ē taote ’aravihi mau.
LeGrand R. Curtis Jr.	(68) ’Ua roa’a tō Parley P. Pratt ’e tō e maha atu tāne ’itera’a pāpu nō te Buka a Moromona. ’Ua noa’a ia LeGrand R. Curtis Jr. tōna ’itera’a pāpū nō te reira i tōna taure’are’ara’a.
Dean M. Davies	(93) ’Ua ha’api’i mai ’o Dean M. Davies nā roto i te Vārua Maita’i ē, terā mau melo nō te pāroisa tāna e hāhaere ra, ’ua haere mai ïa i te purera’a ’ōro’a nō te ha’amori mau ā.
Henry B. Eyring	(75) ’Ua ha’amara’a te metua tāne ’e te feiā fa’atere o te autahu’ara’a i te hi’ora’a o Henry B. Eyring taure’are’a ’e ’ua hōro’a i te ti’aturira’a iāna. (99) ’Ei taure’are’a, ’aita e nehenehe ia Henry B. Eyring ’ia ’ite i te tārena nō te hina’aro o te Fatu nō te patura’a i tōna bāsileia.
Robert D. Hales	(22) ’A huru maita’i noa mai ai ’o Elie Wiesel nō te hō’ē tāpūra’a māfatu, ’ua ui atu tāna mo’otua tamāroa ē, e iti ānei tōna māuiui mai te peu e here rahi atu ā ’oia iāna. I te mau sābati, ’ua tauturu te hō’ē tāne fa’aipoipo here i tāna vahine ma’i ’ia ’ō’omo i te ’ahu ’e ’ia fa’aineine nō te purera’a.
Jeffrey R. Holland	(61) ’Ua ’ere i nā ta’ata hāhaere i te rāve’a ’ia tauturu i te hō’ē tuahine ’ua tomohia te vāhi raro a’e o tōna fare i te pape. ’Ua ’atu’atu te hō’ē ta’ata hāhaere i te hō’ē metua tāne ’ua pohe te tamaiti i roto i te hō’ē ’ati purumu.
Peter F. Meurs	(85) I te paera’a o tōna matahiti, ’ua fāri’i ’o Peter F. Meurs i te fa’aurura’a hau o te Vārua Maita’i ’a ha’amaita’i ai tōna metua tāne i te ’ōro’a mo’a.
Thomas S. Monson	(78) ’Ua pure te hō’ē melo o te ’Ēkālesia tei ha’apa’o i te Parau pa’ari ’e ’ua fāri’i i te pūai nō te ta’uma nā ni’a i te taura ē tae atu i ni’a i te pahī. (80) I te hō’ē fa’a’ite’itera’a nā tō te ao ato’a i te matahiti 1964, ’ua ’ite te hō’ē taure’are’a i te parau mau o te fa’anahora’a nō te fa’aorara’a i muri a’e i tōna māta’ita’ira’a i te hōho’a teata a te ’Ēkalesia Te ta’ata ’imi i te ’oa’oa.
K. Brett Nattress	(119) ’Ua ha’api’i mai ’o K. Brett Nattress nā roto mai i tōna māmā ē noa atu tōna mau hapehape ’ei tamari’i, ’ua here tōna Metua i te Ao ra iāna.
Russell M. Nelson	(81) I muri iho i tō te hō’ē pupu feiā mo’a fa’aeara’a i te hō’ē « pō ’oa’oa » i roto i te to’eto’e, ’ua parau ’o Eliza R. Snow e nehenehe te feiā moa e « ’oa’oa noa atu te mea e fa’aruruhia nei ». E fa’a’oroma’i te mau melo o te ’Ēkālesia i te mau tāmatara’a, te fa’ahemara’a, ’e « te ta’ata tino » ma te fa’atumu i ni’a i te ’oa’oa ’o te tae mai nā roto i te orara’a i te ’evanelia.
Bonnie L. Oscarson	(12) ’Ua ha’amara’a te hō’ē tuahine nō Mehiko i te rahira’a pīahi i roto i tāna piha Ha’api’ira’a Sābati. ’Ua pātia ārai te hō’ē metua vahine i tāna mau tamari’i i mua i te mau fa’aurura’a ’ino i rāpae’au i te fare.
Ronald A. Rasband	(113) ’Ua a’o ’o Ronald A. Rasband i te hō’ē hoa tei roto ’oia i te hō’ē « taime fifi nō te fa’aro’o ». ’Ua vai pūai noa te fa’aro’o o te mau tupuna o Ronald A. Rasband noa atu te mau fifi ’e te ’oto. ’Ua tāere ’o Ronald A. Rasband i te ’ohipa mai te au i te pāhonora’a o tāna pure ē tae roa ’ua fāri’i ’oia i te hō’ē pāpa’ira’a mo’a fa’aha’amana’ora’a.
Linda S. Reeves	(88) ’Ua fa’a’ite pāpū ’o Boyd K. Packer ē nā roto i te tātarahapa ’e te tāra’ehara a te Fa’aora, ’ua reva ’ē tāna mau hara. Nā roto i te tātarahapara’a mau, ’ua ’ite te hō’ē melo, hō’ē misiōnare ’e te hō’ē ta’ata fa’afāriu i te ’oa’oa ’e te hau.
Dale G. Renlund	(121) ’Ua tupu te ’oa’oa o te taure’are’a Dale G. Renlund i muri iho i tōna fa’a’itera’a i tōna peresideni ’āma’a ē ’ua ha’apa’a’ina ’oia i te ahitiri i te fare purera’a.
Evan A. Schmutz	(116) Hō’ē melo o te ’Ēkālesia, ’ua pohe tōna ’utuāfare i roto i te hō’ē ’ati auahi, ’ua ha’apa’o i tāna mau fafaura’a ’e ’ua fa’a’ohipa i te fa’aro’o ē, e tāhō’ēhia ’oia ’e ’o rātou.
Carole M. Stephens	(9) Hō’ē vahine ’āpī e ma’i pororua (bipolaire) tōna, ’ua pi’i i te pūai nō te fa’a’ite pāpū nō te Fa’aora ’e tāna Tāra’ehara.
Gary E. Stevenson	(44) E ’ahuru ma piti matahiti tō Mary Elizabeth Rollins tai’ora’a ’e te roa’ara’a te hō’ē ’itera’a pāpu nō te Buka a Moromona. I tōna fa’a’ite-pāpū-ra’a nō te Buka a Moromona ’ei misiōnare, ’ua fāri’i ’o Gary E. Stevenson i te hō’ē fa’a’itera’a pāpū ē, e parau mau te reira.
Juan A. Uceda	(30) ’Ua pāhono te Metua i te Ao ra i te pure pe’ape’a a Juan A. Uceda, ’ia fa’aora iāna i muri a’e i tōna poura’a nā te hō’ē ’ē’a mou’a i roto i tāna misiōni.
Dieter F. Uchtdorf	(15) ’Ua fa’aitoito te hō’ē tamāhine ’āpī i tōna māmā rū’au ’ia « fa’aro’o pūai ! » ’Ua pure te hō’ē metua vahine nō tāna tāmahine pūhura ’ia ho’i mai i te Fatu ra. ’Ua manuia e piti misiōnare i muri a’e i te pātōtōra’a i ni’a i te mau ’ōpani ato’a o te hō’ē fare teitei e maha tahua. (19) I muri a’e e rave rahi taime, te fa’a’oroma’i, te ti’aturi, te fa’aro’o, te tāmāhanahana a tāna vahine, ’e e rave rahi lītera pape monamona ’ore, ’ua ha’api’i mai ’o Dieter F. Uchtdorf i te fa’a’ohipa i tāna mātini roro uira. (71) ’Ua ho’i mai te hō’ē ta’ata i te fa’aro’o i roto i te ’Ēkālesia maoti te mau hoa, te Vārua Maita’i ’e te ’umera’a a te Tīa’i māmoe maita’i.
Kazuhiko Yamashita	(55) ’Ei peresideni misiōni. ’ua ha’amaita’ihia ’o Kazuhiko Yamashita ’ia mātau i te hō’ē misiōnare tei « hina’aro tu’utu’u ’ore i te Mesia ».