Tāmaura’a i te ha’api’ira’a tumu

I roto i te ao i teie mahana e noa’a vave mai te ha’amāramaramara’a i ni’a i te Itenati, ’aita fa’ahou te feiā ’āpī i fa’aātea roa i te feiā e ’aro nei i te ’Ēkālesia. Hō’ē rāve’a ’āpī tei pi’ihia Tāmaura’a i te ha’api’ira’a tumu ’o te tauturu nei i te mau pīahi nō te séminaire i te fa’ananeara’a i te hāro’aro’ara’a hōhonu o te ha’api’ira’a tumu o te ’evanelia ’e te fa’arahira’a i tō rātou fa’aro’o ia Iesu Mesia.

E ha’api’i ato’a mai te mau pīahi e nāhea e pāhono i te mau uira’a ’e i te mau fifi ’atā ma te fa’a’ohipa i te fa’aro’o, te hi’o-māite-ra’a i te huru ’e te mau uira’a ma te hō’ē hi’ora’a ātea mure ’ore, ’e ma te ’imi i te hāro’aro’ara’a maita’i a’e nā roto i te mau rāve’a hanahana i fa’a’itehia.

I roto i te hō’ē a’ora’a nō te Séminaire ’e te Institut, ’ua parau ’o Elder M. Russell Ballard nō te pupu nō te Tino ’Ahuru Ma Piti ’āpōsetolo nō ni’a i te Tāmaura’a i te ha’api’ira’a tumu : « Teie rāve’a e mea fa’auruhia ’e e mea tano nō teie taime. E fa’atupu te reira i te hō’ē mana fa’ahiahia i ni’a i tā tātou feiā ’āpī ».

Te mau fā faufa’a rahi o te Tāmaura’a i te ha’api’ira’a tumu, nō te tauturu ïa i te mau pīahi :

1. ’Ia fāri’i i te ’ite pae vārua

2. ’Ia tāmau i te ha’api’ira’a tumu o te ’evanelia ’e te mau tuha’a o te pāpa’ira’a mo’a i reira teie ha’api’ira’a tumu e ha’api’ihia ai.

’Ia patu i ni’a i te hō’ē mea tei rave-a’ena-hia nā roto i te Tāmaura’a i te pāpa’ira’a mo’a, e fa’ati’a teie tauto’ora’a rahi i te mau pīahi ’ia ha’apūai i tō rātou fa’afāriura’a ’e tā rātou fafaura’a ia rātou ’ei pipi nā Iesu Mesia, ’ia ’ite mai i te pārurura’a i mua i te mau fa’ahemara’a a te ’enemi ’e ’ia ha’amaita’i ia vetahi ’ē.

E ’itehia te mātēria nō te Tāmaura’a i te ha’api’ira’a tumu i ni’a i te lds.org/si/seminary/manuals.