Ha’apotora’a nō te 186ra’a o te ’āmuira’a rahi nō ’ātopa

’Ua hōro’a mai te peresideni Thomas S. Monson e piti noa parau poro’i i roto i te ’āmuira’a rahi. I te po’ipo’i sābati, ’ua fa’a’ite pāpū mai ’oia nō te fa’anahora’a rahi nō te ’oa’oa a te Atua nō te mau ta’ata ato’a. ’Ua ha’api’i mai ’oia nō ni’a i te tuha’a faufa’a roa a Iesu Mesia i roto i te fa’anahora’a nō te fa’aorara’a, nā reira ato’a tā tātou tītaura’a ’ia roa’a te ’oa’oa tā te Atua i ’ōpua. (Hi’o ’api 80.) I roto i te tuha’a purera’a rahi a te Autahu’ara’a, ’ua ha’apāpū mai te peresideni Monson i te mau ha’amaita’ira’a ’o te tae mai nā roto i te ha’apa’ora’a i te mau fa’auera’a a te Fatu ’e te ha’apa’o-maita’i-ra’a i te Parau pa’ari (hi’o ’api 78).

E rave rahi hānere tauatini vahine, te feiā ’āpī tamāhine ’e te mau tamāhine mai te va’u matahiti ’e ni’a atu tei putuputu mai i te Pū ’āmuira’a ’e nā te mau vāhi ’ati a’e i te ao nei, nō te ’īriti i nā ono tuha’a purera’a o te ’āmuira’a rahi ’e te tuha’a purera’a rahi a te mau vahine.

I roto i te tuha’a purera’a nō te avatea mahana mā’a, e maha hui mana fa’atere rahi tei tu’uhia i te ti’ara’a fa’aturahia, hō’ē Hitu ’Ahuru ārea tei ha’amāuruuruhia ’e e piti Hitu ’Ahuru ārea tei pi’ihia (hi’o ’api 39). I te sābati, ’ua fa’ahanahana ’o Elder Dale G. Renlund nō te pupu nō te Tino ’Ahuru Ma Piti ’āpōsetolo, ia Elder Per G. Malm hō’ē melo nō te Hitu ’Ahuru tei pohe i te 26 nō tiurai ra (hi’o ’api 121).

E tupu te mau ’āmuira’a rahi a te ’Ēkālesia i te mau ono ’āva’e ato’a, e 21 000 ana’e pārahira’a i roto i te pū ’āmuira’a i Roto Miti, i Utaha, ’e e rave rahi mirioni e māta’ita’i ’ati a’e te ao nei. ’Ua auvahahia te ’āmuira’a ’e ’ua tu’uhia i ni’a i te tahua itenati nā roto e hau atu i te 80 reo ’e ’ua ha’apararehia nā roto e 34 reo i roto i te mau ve’a a te ’Ēkālesia.

Nō te hō’ē tauturura’a nō te fa’a’ohipara’a i teie tuha’a, ’a hi’o i te ’ā’amu fa’ahorora’a i te ’api 125.