Taqomaka na Galala Vakalotu

Sa dodonu vei ira na Yalododonu Edaidai me ra vakaitavi “ena dua na ivakarau matau ena valataki ile ni galala vakalotu,” e kaya o Elder Dallin H. Oaks ena Kuoramu ni iApositolo Le Tinikarua ena dua na koniferedi ni galala vakalotu mai Texas, Amerika, ena Sepiteba 2016. “Sa dodonu, na tamata taucoko sara, mai vei ira na gone ena murivuli kauta yani vei ira na kenadau saumi kei na tina kei na tama kei na itokani kei na itokani vakaitikotiko me rawa ka dodonu me ra kila na cava na galala vakalotu kei na vuna e bibi kina.”

A vosa talega ena taqomaki ni galala vakalotu o Elder D. Todd Christofferson ena Kuoramu ni iApositolo Le Tinikarua ena dua na lotu vakalewenivanua mai Utah, Amerika, ena June. “Ena dua na gauna lekaleka sa oti,” a kaya kina o koya, “Sa yaco me matau kina ni tukuni ni dina sara, na galala vakalotu sai koya na dodonu mo sokalou ka sega ni dodonu mo bulataka ena yalogalala nomu vakabauta ena nomu bula e veisiga.” Sa vakayaloqaqataki ira kina na tamata ni vakabauta me ra tutaka na bulagalala vakalotu ena nodra kilavinaka, vosadoudou, ka vakaitavi ena veitavi ni isoqosoqo vakavanua, matanitu, kei na politiki.

Era sa dau tukuna wasoma na iliuliu ni Lotu na ulutaga ni galala vakalotu, ena nodra vosa ka vakaitavi ena veikoniferedi mai Ositerelia, Brazil, Mexico, kei Peretania kei na veivanua eso mai Amerika. Raica na nodra vosa ka vulica me baleta na galala vakalotu kei na veika e rawa ni o cakava mo taqomaka kina ena nomu sikova na religiousfreedom.lds.org. Eso na lewena e baleta na vanua o Amerika, ia e rawa ni moici na kena ivakavuvuli me ganita na veivanua tale eso.