Kenadau Vakaivunau

Ena vuravura nikua ni sa totolo sara na itukutuku ena initaneti, era sa sega kina ni taqomaki na itabagone mai vei ira na tamata era dau vakadiloya na Lotu. Ia e dua na iwalewale vou ka vakatokai na Kenadau Vakaivunau sa vukei ira tiko na gonevuli me ra tura e dua na kila-ka titobu vakaivunau ni kosipeli ka vakalevutaka nodra vakabauti Jisu Karisito.

Era sa vulica tale tikoga na gonevuli na ivakarau me ra sauma kina na veitaro kei na leqa dredre ena nodra cakacaka ena vakabauta, dikeva na vakasama kei na taro eso ena rai tawamudu, ka vakasaqara na kila-ka mai na ivurevure lesivakalou eso.

Ena nona itukutuku vei ira na vakailesilesi ni Semineri kei na Inisitute, a tukuna kina me baleta na Kenadau Vakaivunau o Elder M Russell Ballard ena Kuoramu ni iApositolo Le Tinikarua: “Sa vakauqeti ka yacodonu mai na iwalewale oqo. Ena vakasakiti na kena mana vei ira na noda itabagone.”

Na inaki levu ni Kenadau Vakaivunau me vukei ira na gonevuli:

1. Solia na kila-ka vakayalo

2. Mo kenadau ena ivunau ni kosipeli kei na ivolanikalou e vakavuvulitaki kina na ivunau oqori.

Ni da tara cake ena veika a dau rawati e liu ena Kenadau Vakaivolanikalou, na sasaga titobu oqo sa rawa kina vei ira na gonevuli me ra vaqaqacotaka nodra saumaki mai kei na yalodina vakatisaipeli i Jisu Karisito, taqomaki mai na veivakayarayarataki ni vunica, ka vakalougatataka nodra bula tale eso.

E rawa ni kunei na ivurevure ni Kenadau Vakaivunau ena lds.org/si/seminary/manuals.