Kairake

E Kona te Moangare n Riki Bwa te Bwai ae Kainnanoaki (ni karaoa te aomata temanna bwa e na kukurei)

E kunei uoua kouru Beretitenti Uchtdorf aika ti riai ni karekei ibukin ara mwakuri: tangira te Atua ao tangiriia raora nako. Ma n tabetai e aki ti bebete tangirakiia tabeman. Rinanon maium, e na iai taai ae ko na kunea bwa e kaangaanga te reitaki ma tabeman—tao e na iai ae a tia ni kamarakiko ke n tia ni karekea te tai ae kaangaanga n reitaki ke ni mwakuri n te kawai n iraorao ao n reitaki ma temanna. N taai aikai, kataia n uringa te tangira ae ko a tia n namakinna mairouia raoraom, utu, te Tama are i Karawa, ao Iesu Kristo. Uringa te kimwareirei ae ko namakinna n taian kaangaanga aikanne ao kataia n iangoia ngkana a tia ni kabane ni karekea namakinan te tangira anne. Uringnga bwa aomata ni kabane bon natin te Atua te aine ke te mwaane ao e bon tau ni karekea Ana ao am tangira.

Iangoa te aomata ae onoti inanon maium ae iai am kaangaanga ma ngaia. Kariniia n am tataro ao tuanga te Tama are i Karawa bwa e na buokiko n namakina ae raoiroi ibukiia. Ko na waekoa ni moanna n noriia bwa E kanga ni karaoia: ngkai temanna Ana ataei ae tau ni karekea te tangira.

Imwiin ae ko tia n tataro, karaoa te bwai ae tamaroa ibukiia! Tao ko na kaoia nakon te Bootaki ni kakukurei ke te nako ni kamangngang ma raoraom. Tuangiia bwa ko na buokiia n aia bwai n reirei. Riki n ti kangai “mauri” ao matangare nakoia. Bwaai aika uarereke a kona ni karika te kaokoro ae bubura … ni maium ni kauoua!