5 Berita n te Tataro
E maeka te tia korokaraki i Utah, USA.
Tamara are i Karawa e katauraoa te tataro bwa te kawai n reitaki ma Ngaia bwa ti aonga ni kaitaua, butiia ibukin kakabwaia, ao n rikirake ni maiura n tamnei. N tabetai ni bwaai ni kabane aika ti na karaoi ao ti na bon tii boobaraaki, booti baira, ao inanon taeka aika beebete ao taeka aika a nako man te nano. E beebete, e aera? Aikai nimaua berita aika kakaokoro ke kakabwaia ake ti kona ni karekei ngkana ti tataro:
1 Te Korakora n Tokanikai
Ngaira aika aomata, ti kona n namakina te mamaara n aro aika mwaiti—n rabwata, n ara namakin, n tamnei, ao n ara iango. Ti kona n ikakorakora ni kataia ni biri n te kabo biribwaaka ke ni bwaati n te ukeuke ke ni kona ni kaitara te kariiri ke ni bon namakina te Tamnei. Ma te tataro e anganiira te korakora are ti kainnanoia n tokanikai iaon bwaai ni kabane ake a riki inanon maiura.
N aron are e taku Nibwaai, “E na bon aki anga te kaetieti te Uea nakoia natiia aomata, ma ti ngkana e a tia ni katauraoa te kawai ibukiia are a na kona iai ni kakoroa bukin te bwai ae tua nakoia bwa a na karaoia” (1 Nibwaai 3:7). Te Uea e kona n anganiira te korakora ni katiai bwaai ni kabane aika raraoi ake ti kataia ni karaoi ngkana bon Ana kantaninga.
Tataro ibukin te korakora n tokanikai iaon te kariiri. Tataro ibukin te korakora ni baraakina ao kamatebwai bwa e na uaana ibukin te ukeuke. Tataro ibukin te korakora ni biri ao n aki kua. Tataro ibukin te korakora, ao E na kakorakorako.
Kamataata n te tamnei iroun Clayton Thompson
2 Kabwarabure
E ngae ngke e raoiroi iangoana are, ti bon aki kororaoi. Ti karaoi kairua, ao bon anne irian te maiu. Ma te Uea e katauraoa te kawai ni katamaroa: mwaakan ana Mwakuri ni Kamaiu Iesu Kristo. Ao teuana aron karekean Mwaakana anne bon te tataro.
Ngkana ti bubuti kabwaraan ara bure rinanon te tataro, a kona ni kabwaraaki ara bure rinanon ana Mwakuri ni Kamaiu te Tia Kamaiu. E ngae ngke kairua aika bubura a kona ni kainnanoa ana ibuobuoki te bitiobi ke te beretitenti n te mwaanga, te tataro ae onoti ae nako mai nanom n tainako e na riki bwa te moan mwaneka nakon kabwaraan bure—ngkana ti butiia Tamara are i Karawa bwa e na kabwarai ara bure ke e na buokiira ni kabwarai aia bure tabeman. E buokiira naba n reireiniira aron kabwaraan aia bure tabeman.
3 Ataibwai ao te Kairaki
Te kaotioti ae onoti nakoim e a tia n riki bwa te moan berita n te tataro are ko na kona n iangoia, riki ma te botoniiango ibukin te Iwawaaki ae boou n iangoia i bon iroum. Iotebwa Timiti akea ana atatai n te ekaretia are e na kaainna, ngaia are e a katorobubua n te Buakonikai ae Tabu, n anga ana titiraki, ao e karekea te kaeka—n te aro ae moan te bubura.
Ma te kaotioti tiaki tii ibukiia burabeti, ao e na aki riki naba bwa te bwai ae e rang ni kakaawaki are ko rinanona. Ngkana akea rabakaura, ti kona ao n riai ni butiia te Atua. E na kaeka, n tabetai n te kawai are ko aki kantaningaia. Te Uea e na kaekai ara titiraki ao e na buokiira ni kairii maiura, ma ti riai moa ni butiia!
4 Te Nano ni Kan Karaoa Ana Kantaninga te Uea
E kona ni kanganga nooran aei bwa te kakabwaia—bukina, ma te koaua, n tabetai ti tangirii bwaai ibukira nakon are e tangiria te Uea ibukira. Ma ngkai ti tataro bwa ibukin te rairaki ni koaua ao ni karekea te nano ni kan karaoa ana kantaninga te Uea, tina ataia bwa iai te bwai ae rang tamaroa: te bwai are ti tangiria e na moanna n riki bwa te bwai are E tangiria.
E ngae n anne, te bitaki n nano aei e aki waekoa n riki. Unimwaane David A. Bednar man te Kooram n Abotoro n te Tengaun ma Uoman e taku: “A mwaiti ibuakora, te rairaki e na riki bwa reitan bwaai aika riiriki ao tiaki te bwai ae riki n teuana te tai are korakoran mwaakan te bwai ae ko rinanona. Te reirei iaon te reirei ao te tua iaon te tua, e na karaurau ao ni kuri n aki kona n ataaki, ara kantaninga, ara iango, ara taeka, ao ara mwakuri a na booraoi ma ana kantaninga te Atua” (“Converted unto the Lord,” Liahona, Nobembwa 2012, 107–8).
5 Te Rau
Teuana te kakabwaia are e taekinaki n te berita bwa ti na karekea ngkana ti tataro bon te rau ao te karaunano rinanon te Tamnei. E ngae n anne, E aranaki bwa te Tia Karaunano. Kakoaua bwa te rau e na roko riki imwiin taai ni kanganga. Te anene ae ti aneneia a reke taekana man Ioane 14:27: “I katuka te rau i roumi, I anganingkami au rau, I aki anganingkami: n ai aron te aba, ngkana e anga. A na tai rawawata nanomi, ao a na tai maaku.” E na bon roko te rau ngkana ti bubuti.
Te Tataro bon te kawai ae ineti n reitaki ma Tamara ae tatangira. Kabongana ao kariaia bwa e na kakabwaiako. Ma imwiin reken kakabwaia aikai man te tataro ae nako man te nano, uringnga n anga am kakaitau ae nako mai inanom inanon—kona keetinna—te tataro.