Ni Karokoa Ae Ti A Manga Kaitiboaki
Rongorongo ibukin te Burabeti ae Maiu
N te ririki 1939, imwain butinakon te kauoua ni Buaka n te Aonaaba , Unimwaane Brown e kaoaki irouiia kain Engiran Auti ni Kaoman n anga ana kaeka ni kaeti nakon te tua ni kauntaeka ibukin Unimwane Brown n taku bwa Iotebwa Timiti bon te burabeti. Inanon te taetae are anga n te Brigham Young Uniwetiri n Okitobwa 4, 1955, atunaki “Rongorongon te Burabeti,” Beretitenti Brown e kamataata aia marooro (tara speeches.byu.edu).
Kamataatan te tamnei iroun James Johnson
I moana … , “Kam taku bwa au koaua bwa te Atua e taetae nakon te aomata n taai aikai ma iroumi akea koauana?”
“Mai irou iai koauana.”
“Ko kakoaua bwa te Atua e a tia n taetae nakon temanna?”
“E bon koaua, ni kabane rinanon te Baibara ti karekei kakoauan akanne.”
“E taetae nakon Adam?”
“Eng.”
“Nakon Enoka, Noa, Aberaam, Mote, Iakoba, Iotebwa, ao rinanoia burabeti?”
“I kakoaua E taetae nakoiia n tatabemaniia nako.”
“Ko kakoaua bwa te reitaki imarenan te Atua ao te aomata e toki ngke e roko Iesu iaon te aba?”
“E aki, n aron rokon te itoman nakon te moan kakawaki, mai ieta, n te tai anne.”
“Ko kakoaua, nao, bwa imwin mangautin Iesu, te tia kaeti tua—are te tia karaoi tenti n arana ae Tauro mai Taretiti—ngke iaon kawaina nako Tamateko e taetae ma Iesu te I Natareta, are tia n tauraki, mangauti, ao tia ni waerake nako karawa?”
“I kakoaua.”
“Antai bwanaana are e ongo tauro?”
“Bon bwanaan Iesu Kristo, ibukina E kabwarabwara boni Ngaia.”
“Ngkanne, I kakoaua nakoimi ni kabane n akea te manikangare bwa bon teina inanon waakin te Baibara ibukin te Atua e na taetae nakon te aomata.”
“I iangoia N na kariaia anne, ma e toki teutana imwiin te moan tienture n rongorongon aia tai Kiritian.”
“Bukin tera ko iangoia e toki?”
“I aki kona n taekinna.”
“Ko iangoia bwa te Atua e tuai n taetae imwin anne?”
“I koaua E tuai.”
“Ikanne e riai ni iai ibukina. Ko kona n anganai bukina?”
“I aki ataia.”
“I kona n taekin tabeua bukina? Tao te Atua e aki taetae nakoia aomata riki ibukina E aki konaa. E a tia ni bua te mwaaka.”
E taku, “E koaua anne e taekinaki n akea karinean te Atua.”
“Tamaroa, ngkanne, ngkana ko aki kariaia anne, tao E aki taetae nakoia aomata ibukina ai akea tangirara ao E a toki nanona n aroia aomata.”
“Aki,” e taku, “Te Atua e tangiriia ni kabane aomata, ao E aki nanonano nakoia aomata.”
“Tamaroa, ngkanne, ngkana e kona n taetae, ao ngkana E tangiriira, ngkanne kaekana tabeua ae na riai, n aron ae I nooria, ti a bon aki Kainanoia. Ti a tia ni karaoi baitiin mwaing aika tamaroa n te tiaienti ao ti rang reiakinaki raoi are akea kainanoan te Atua.”
Ao ngkanne e taku—ao bwanaana e ruru n ai aron katawean te buaka—“Mr. Brown, ikanne akea te tai n rongorongon te aonaaba ngke bwanaan te Atua e kainanoaki n aron kainanoana ngkai. Tao ko kona n tuangai bukin tera E aki taetae.”
Au kaeka bon: “E tia n taetae, E a tia n taetae; ma aomata a kainanoa te onimaki n ongo Irouna.”