Iango Ibukin Bootakin te Utu n te Tairiki

Te Rongorongo aei iai inanona taeka ao waaki ni kakukurei ake a kona ni kabonganaaki ibukin bootakin te utu n te tairiki. Aikai uoua katooto.

“Ninikoria n Ara Kakoaua iroun te Tia Kamaiu,” iteraniba 28: Unimwaane Golden e maroroakina arora n tatabemaniira ni kaitara te kaangaanga ao taai aika a tamaroa inanon maiura. Ko kona ni karaoa te kaotioti iaon aro ake a kaitarai kain te utu ma babaire ni kakaewenako. Te katooto, ko kona ni kataneiai n taekina ae I aki nakon raom n reirei are e na babakanikawaia am bwai n reirei ke n tuanga raoraom bwa e na kabonganai taeka aika itiaki. Maroroakina arom ni kona ni katauraoi ni karikirakea am koaua ae matoatoa iroun te Tia Kamaiu imwain ae a kaoti aro akanne.

“E kona ni kaekai au tataro n tainako Tamau are i Karawa?” iteraniba 69: Ko kanga n tia n noora kaekaakin am tataro? Ko na bae n tibwai bwaai ake ko rinanona ae kaineti ma kaekaakin am tataro iroun te Uea, ngkana a kaekaaki n te kawai ae aki kantaningaaki ke ae kantaningaaki. Iangoa ni kaungai ngkami imarenami bwa kam na koreia n ami tienoo kawai ake e kaekaaki iai ami tataro iroun te Uea ao ni kakabwaiako.