Rongorongo ni Kakawari n Reirei
Bonganan te Bootaki n Aine
Tataromwaaka ni kamatebwaia te bwai n reirei aei ao ni ukora bukin te kairi n ataia bwa tera ae ko na tibwaia.
Bonganan te Bootaki n Aine e na “katauraoiia aine ibukin te kakabwaia ae akea tokina,” e taku Linda K. Burton, te Beretitenti ni Kabuta n te Bootaki n Aine.1 Bon rinanon te onimaki, utu, ao buoka are ti kabaeaki inanon ara “itera ae kakawaki inanon te mwakuri.”2
Te Bootaki n Aine “bon te mwakuri n rabwata ao n tamnei,” e taku Carole M. Stephens, te Moan Kauntira n te Beretitentii ni Kabuta n te Bootaki n Aine. “Anne bon tabeia aine ae a karaoia n ana bong te Tia Kamaiu, ao anne are ti reitinako ni karaoia.”3
N noran ainen Tamaria ietan te mwanibwa, are e kitana ana bwaata n ran ni biri n tuangiia tabeman bwa Iesu bon te burabeti (taraa Ioane 4:6–42), ke nakon Boibe, are e kukurei ni beku ibukiia tabeman inanon maiuna (taraa I Rom 16:1–2), ti noori aia banna aine n ana tai te Tia Kamaiu ake a kakaonimaki n tibangaia n roko nakon Kristo. Bon Ngaia are e kauka te kawai nakon te maiu akea tokina (taraa Ioane 3:16).
Ngkana ti tanrikaki n taraiia tarira ake bwaioniia i Nauvoo, Illinois, ake a ikotiia ni mweengan Sarah Kimball n te 1842 ni katea oin aia bootaki, ti noora ana babaire te Atua n uotaarake te Bootaki n Aine ni waaki ao n ririmwiin reirein te nakoanibonga. Imwiin Eliza R. Snow e korea te tua, ao te Burabeti Iotebwa Timiti e rinanoi. E ataia bwa te Ekaretia e tuai barongaaki ni bwanin ni karokoa are a bwarongaaki aine. E taku bwa te Uea e kariaia aia anga karea ma iai riki te bwai ae tamaroa. “N na bwarongaiia aine iaan te nakoanibonga n aron bwarongakinnaba te nakoanibonga,” e taku.4
“Te Bootaki n Aine tiaki ti kurubu n aine teuana ni kataia ni karaoa te tamaroa n te aonaaba. E bon kaokoro. Bon te ‘bwai teuana ae tamaroa’ ibukina bwa e barongaaki iaan mwaakan te nakoanibonga. Barongakinae bon riai kawaina n ana mwakuri te Atua aika tuai tia iaon te aba.”5
Rakan riki Booki aika Tabu ao Rongorongoia
Doctrine ao Covenants 25:2–3, 10; 88:73; reliefsociety.lds.org
Onimaki, Utu, Buoka