Ti Kakoaua te Ekaretia bwa E na Kaona te Aonaaba

Bon tii onoman kain te Ekaretia ngke e kateaki n 1830 n te taaun ae tuakarako i New York, USA. Mai ikanne ao e rikirake mwaitiia kain te Ekaretia n raka iaon 15.5 te mirion kaaina ma uoote ao mwaanga n aba aika e raka iaon 150. Te rikirake aei bon kakoroan nanon te taetae ni burabeti are e taekinaki n te O Tetemanti are te Ekaretia e na butanako ao e na kaona te aonaaba ae bwanin (taraa Taniera 2:31–45). Te Ekaretia—abanuean te Atua iaon te aba—e kabwarabwaraaki bwa te atibu “e tataki man te maunga n ae akea naba bai” (Taniera 2:45), ni kaotia bwa e mimitong, e aki karaoaki iroun te aomata, te mwakuri.

E ngae ngkana ana mwakuri te Ekaretia e na kaona te aonaaba, kaina a teimatoa ni karako. Nibwaai e a kaman noora aei ao e koreia ni kanoan ara bong, “I noora naba ana ekaretia Ana Tiibu te Teei te Atua, aika a karako” ibukin korakoran kammairan te kabekaau are I a tia n nooria (1 Nibwaai 14:12). Ngkai e a uakaan Manga Kauaokin Iesu Kristo, te aonaaba e na rikirake riki n rang buakaka, ao “e na bon kerikaaki kinakina ngkana ngkoe ana aomata ae Itiaki ni Boong aika Kaitira.”¹

Ma Nibwaai e a kaman noora naba “ana ekaretia te Tiibu te Teei, aika bon ana aomata te Atua aika a itiaki, aika a mena naba iaon te aonaaba” (1 Nibwaai 14:12). Uoote ao mwaanga a kona n nooraki ni kabuta te aonaaba, maungatabu ni kabuta e rairaki n taian taetae aika e raka iaon 90 mwaitiia, ao e kaniia 75,000 mitinare aika bwanin aia tai ake a tibwa te euangkerio inanon 418 mition. Te euangkerio e tibwaaki naba ni kabuta te aonaaba rinanon bwaai ni kareke rongorongo ao webutiaite n aron Mormon.org and LDS.org.

Mwakuri aikai a rang kakaawaki man bubura ma n tabetai a waaki n aki karongoa. “Ana mwakuri te Uea e bon korakora ao e tamaroa, ma e na bon waakinako n aki rang n ataaki irouia aia tautaeka aomata aika a mwaiti, aba, ao taan kairiiri aika wanawana. E na karikirakea te nano teuana ao te utu teuana inanon te tai, ma te karaurau ao te aro ae aki ataaki, n ana rongorongo ae tabu ni kakabwaiaia aomata n taabo nako.”²

Te atibu e a kaman taekinaki n taetae ni burabeti n taai ake rimoa ni kakoaua bwa e wakinako n rabinobino, ao ngkai ti karaoi tibwangara, e na reitinako ni butanako te euangkerio ni kaona te aonaaba ae bwanin (tara Taniera 2:31–45).

Tera ae ti kona ni karaoia ni buoka te euangkerio bwa e na butinako?

Kawakinan tuua ao kakorakoraan ara koaua e anganiira aara are e na buoka kabutan te euangkerio.
Reireinaia ara utu te euangkerio e kakorakoraia ni maiuakina te kakaonimaki n te aonaaba ke tao are e na manga reireiniia.
Kakoroan nanon nakoara e buoka kakorakoraan te Ekaretia n ara aono.
Ti kona ni buoka kabutanakoan te euangkerio ma tii maroroakinana ma aomata n te aro ae bebete.
Inanon te tembora ti kona ni karaoi otenanti ibukiia naake a tia ni mate ake aki ongora n te euangkerio n te maiu aei.