Botoniango ibukin te Miutuo 2017
Bubuti
Iroun Stephen W. Owen
Te Beretitenti Ni Kabuta Irouia Ataeinimwaane
Bonnie L. Oscarson
Beretitenti ni Kabuta irouia Ataeinnaine
“Ngkana akea ana rabakau temanna i buakomi, ao e na butia te Atua, ae tituaraoi n angangania aomata ni kabaneia, n aki ngurengureakinia; ao e na bon anganaki.
“Ma e na bubuti n onimaki, n aki nanokokoraki. Bwa ane e nanokokoraki ai aron naon marawa ae kabutaki te ang ao n kaueeaki.”
Bukin tera te botoniango aio e rineaki, ao tera e nanonaki nakoim iai? Te Tari Stephen W. Owen, te Beretitenti ni Kabuta irouia Ataenimwaane, ao Titita Bonnie L. Oscarson, te Beretitenti ni Kabuta irouia Ataeinaine, a tibwaua aia iango.
Bukin tera Boki aika tabu?
Titita Oscarson: Te Uea e ataia bwa tera te rongorongo are ko na kainnanoia, ao e anainano bwa e kanga tabeua man te tabeka are a uotakirake inanon te ririki ake a kaekaaki man te botoniango ao e kanga n tauraoi ma te bwai ae riki inanon mauim.
Ngkana ti maroroakina Iakoba 1:5–6 n aron angaraoin te botoniango ibukin te ririki aei, e kaonaki te ruuu n te Tamnei. Ao ti bane ni kariaia bwa e na bon riki n tamaroa ibukiia ami roronrikirake ibukina bwa a mwaiti reitakiia. Iai reitakina nakon rongorongon te -warekia Iotebwa Timiti are e namakina inanona bwa e na nakon te Buakonikai ae Tabu ao n tataro. Ao kauouan reitakiia ae korakora bon kakoauaan ana mition Iotebwa Timiti ae mairoun te Atua, te bwai ae ti kainnanoia taekan aroarona ao rongorongon te Ekaretia a reitinako n riki bwa titiraki man te aonaaba. Riki te rongorongo naba bwa ti kanga ni karekei kaotioti aika onoti inanon maiura, ike aomata ni kabane a kainnanoia ni kan ataia
Te Tari Owen: A mwaiti bwaai aika riki nakon maiumi n te bong aei, ao a rang mwaiti ami titiraki. Ma ni kabane bootaki ni kareke rongorong ao intin ni kakaei ake iroura, a mwaiti bwaai ni ibuobuoki ike kam kona n rairaki ni karekei reeke ibukin ami titiraki n te onimaki. Kakawakin te boki ae tabu aei e kaotaki iroun Iotebwa Timiti mwakurian te kaotioti, ike te banna are ti na ko na n ririmwiina.
A kanga roronrikirake ni kamwakuria ao ni amanenaIakoba 1:5–6?
Titita Oscarson: Te koroboki ae tabu aei iai korakoran te rongorongo iai. E taku, “Bubuti n onimaki, n aki nanokokoraki” (Iakoba 1:6). Aio kanga e karika te namakin n nanokawaki. Ko kainnanoa ni bubuti n te onimaki, tiaki n te nanououa.
Te Tari Owen: Ao ni bubuti n te onimaki e nanonaki bubuti ma nanom ae koaua. Ngke Iotebwa Timiti e karekea te kaeka bwa te aro raa ae e na iria, e aki ti taekinna, “Ngaia, anne e tamaroa ataakina, ma …” E waakirake inanon te onimaki.
Titita Oscarson: Uringa bwa te tataro ae eti tiaki te bubuti ibukin te bwai ae ti tangiria ma ukoria bwa tera ae e tangiria te Atua ibukira.
Tera te buoka are ko na angan te rikirake taekan kamanenaan te tataro inaoon maiuiia?
Titita Oscarson: Karaoia bwa anuam. Ko aki kona ni mwaninga. Ko aki kona n ae konaaki karaoia. Tarin Iareta e anganiira te katooto n are.(tara Ita 2:14).
Tari Owen: Te mwaninga n tataro man te tai teuana ma teuana bon te bwai teuana, ma te kaangaanga riki tannakom mairoun te Uea ao n aki tangira te tataro. Ngka na ko namakina te aki kan tataro, anne ngkana ko a rang kainnanoia bwa ko na tataro. Ao ngkana ko karaoa am tataro ao ni warekin booki aika tabu, ko na bon tikunako (ma te Tamnei). Ao ngkana ko aki, ko na raurenako (ma te Tamnei).
Titita Oscarson: Ti kona n taetae n kaineta ma te Atua. E anganiira te tai ae aki tiatianakina. Tera te bwaintangira ae korakora ataakina bwa ti kona ni karaoa anne bwa E mena ikekei n taainako.
Ko kanga n reiakinna n tataro n te kawai ae nanonakiraoi?
Titita Oscarson: I aki kona n iangoa teuana te taneiai; bon tokin te kawai n te maiu. Te tataro e a tia n riki bwa teuana mwakoron au bong ae nano ibukina I karaoa te mwakuri korakora n kanakoraoia. I tia n rang n tamaroa riki n te ongoongora ao ni karekei kaeka. Ti reiakin ao ti karekea te tamaroa riki ni katabeira ni mwakuria. E na bon ti nakoraoi ma ngaia ni katoa bong, ni kakoaua bwa I aki kabua au tai anne n taetae ma Tamau are i Karawa. Mwaitin aratatataro, e na tamaroa riki are ti na karekea n ongora nakon kaeka. akanne.
Te Tari Owen: Inanon kairakeu I rang kainnanoa ataakin te bwai teuana, I uringa te Moan Kaotioti ao I iango, “Iotebwa Timiti e katiaa ni karaoia. I aki tangira riki te kamataata ae bubura, ma I kainnanoakaekaana.” Ao ngkanne inanon te onimaki I ririmwin te banna anne. I uringa katorobubuau iaontano ao ni kabaraaka atu ao n tataro n takarua. N reitinako n ririmwin te banna anne e tia ni kakabwaia maiu ni mwaitin te tai ni karekean te kaotioti ae onoti.
Tera te bwai teuana ae moan te kakawaki ake a kona n reiakin te roronrikirake man te koroboki ae tabu aei?
Te Tari Owen: I ti tangiria ni manga kamatoa te banna n tataro are e kateia Iotebwa Timiti. Ngke ai tibwa te 14 te ririki, e nanououa, ngaia are e wareka ana boki ae tabu: Te Moan Kaotiotio bon tiaki te tai ae kimototo ike e a katorobubua iai Iotebwa. E mwaiti te mwakuri imwain anne. E kaotia iaon ana titiraki aeaki toki ni kaokiokia. Ngke e kunea Iakoba 1:5–6, e taku, “Akea te rongorongo ni booki aika tabu ae e roko ma korakoran te mwaaka inanoia aomata nakon are e karaoaki n te boki aei inanon au tai.” (Joseph Smith—History 1:12). E rin ma korakorana inanona, ao ngkanne e mwakuria. E tataro ma te nano ae koaua ao e waakirake inanon te onimaki. Ao anne ae ti kantaningaia bwa ko na anganaki te namakin ma te boki ae tabu aei rinanon 2017.