Te Babaire ni Kamaiu

Beretitenti Thomas S. Monson, “Te Kawai ae Kororaoi nakon te Kukurei,” Riaona, Nobembwa 2016, 80–81.

“E bon kakaawaki n te babaire ni [kamaiu] ara tia kamaiu, Iesu Kristo. N akean ana anganano ni kamaiu, ni kabane aomata a na bane ni bua n tamneia. E bon aki tau, e ngae n anne, tii kakoauana ao Ana mition. Ti riai ni mwakuri ao n reirei, ni kakae ao n tataro, n rairananora ao ni kekeiaki. Ti riai n ataa ana tua te Atua ao ni maiuakin. Ti riai ni karekei Ana otenanti ni kamaiu. Ti man karaoan aei ti na karekea te kukurei ae koaua ae akea tokina.

“Ti kakabwaiaki ni karekea te koaua. Iai tibwangara n tibwa te koaua. Ti na maiuakina te koaua, bwa ti na kona ni karekei ni kabane ake e katauraoi ibukira ni kabane Tamara. Bwaai ni kabane ake e karaoi bon ibukira. E katanoata te Atua, bwa aio au mwakuri ao mimitongiu e na uota te aki mamate ao te maiu are akea tokina nakoia aomata (Moses 1:39).

“Mai kabin nanou ao au nanorinano ni kabane, I kakoaua te bwaintangira ae korakora are bon ana babaire Tamara ibukira. Bon teuana te kawai ae kororaoi nakon te rau ao te kukurei n te aonaaba aei ao ae e na roko.”