Tera ana iango te Ekaretia iaon te nanokawaki, ao N na kanga ni mwakuria te nanokawaki aei?

Ni kabane aomata a nanokawaki n taai tabetai, ao kaokan ana euangkerion Iesu Kristo ao aia boutoka utu, taan kairiiri, ao tabeman ake a kona ni manga buokiira ni kakaea te karaunano, te kukurei ao te rau. Ma taan kairiiri n te Ekareti a karekea te atatai bwa nanokawaki aika buakaka, ke oin nanokawaki n aorakin te iango (MDD), bon mwaitin riki kakaiakin aroia are e kona n uruana ma ana konabwai te aomata n mwakuri raoi. Unimwaane Jeffrey R. Holland man te Kooram n Abotoro n te Tengaun ma Uoman e taekin tabeua bwaai ake a na karaoaki ngkana ko a kaaitarai nanokawaki aika bubura:

• Tai kanakoa onimakinan te Tama i Karawa ao Iesu Kristo.

• Karaoa te bwai are e na uota te Tamnei nakon maium (tataro, kamatebwai booki aika tabu, ao reitia nako).

• Ukoukora te reirei mairouia kaaro ao taan kairiiri n te nakoanibonga.

• Karekei kakabwaia n te nakoanibonga.

• Anaa te toa ni katoa wiiki, ao teimatoa n tou mwiin nako berita n ana Mwakuri ni Kamaiu Iesu Kristo.

• Tarai oin kainnano n aron te kua, ao ngkanne karaoa te bitaki.

• Ngkana am kaangaanga e reitinako, maroro nakoia kaaro ke taan kairiiri n te nakoanibonga taekan ukoran te ibuobuoki irouia ake a kakoauaki wanawanaia ma materaoin booia.

(Taraa, “Like a Broken Vessel,” Riaona, Nobembwa 2013, 40–42.