Bukin tera e korakora riki te bure n aki kabwarabure nakon karaoan te kairua nakon temanna?

Te Uea e a taku bwa kam na ikabwara bure i roumi; bwa ane e aki kabwara ana bure tarina ao e na tei ni kabuakakaaki imatan te Uea; bwa e tiku irouna te bure ae korakora riki.

E taku te Uea bwa E na kabwarai aia bure ake E taku bwa E na kabwarai, ma ti riai ngaira ni kabwarai aia bure aomata nako (D&C 64:9–10).

Ngkana ti tautaua ara kabwarabure, ti katoka tiatianakin ara motikitaeka iaon ana motikitaeka te Uea ae kororaoi. E kororaoi ana taratara n noori nanoia aomata ao aroia, ao bon ana bwai te motikitaeka n ti Ngaia. N tokina e na karaoa te motikitaeka ae kororaoi ao ana nanoanga nakoia ni kabane—nakoia naake e karaoaki te kairua nakoia ao nakoia naake a karaoa te kairua.

N reitia, man kantaningaara bwa ti na kabwarabure, te Uea e buokiira n rinea te kukurei iaon te nanokawaki, ni katoka ara riribai ao itabarara ao ni karekea te kamaiuaki rinanon Ana nanoanga. Ngkanna ti na kunea bwa, ngkai Unimwaane Kevin R. Duncan man te Itingaun e kauringiira, “Ana Mwakuri ni Kamaiu te Tia Kamaiu tiaki tii ibukiia naake a riai n rairi nanoia; a rin naba iai naake a riai ni kabwara aia bure raoia” (“The Healing Ointment of Forgiveness,” Riaona, Meei 2016, 35).