Kajeded Gospel eo

Kōjerbal men kein n̄an kwaļo̧k bwebwenato ko an Kabun̄ in!

Ālkin an kar Kabun̄ in jutak, Jemedwōj Ilan̄ eaar kōņaan bwe aolep ren ron̄ kōn gospel in. Mijinede eo jinointata ekar Samuel brother eo an Josep Smith. Hyrum, brother eo erūtto an Josep, ekar barāinwōt katakin ro jet kōn gospel in. Juon raan juon em̧m̧aan etan Parley P. Pratt eaar jiron̄ Hyrum ke eaar m̧ad aolepān raan eo im riiti Bok in Mormon. Hyrum eaar katakin e eļapļo̧k kōn Kabun̄ in, im eaar peptaiji e. Innām Parley eaar jerbale juon mijen! Eaar erom̧ juon mijenede an Kabun̄ in.