Naan in Katak an Kōrā

Kallim̧ur im Bujen eo an Priesthood

Kanooj jar ilo am̧ ekkatak kōn katak in im pukōt im̧we n̄an jeļā ta eo naaj tilmaake. Meļeļe jibadbad eo an Doulul eo an Kōrā ro ewi wāween an kōpooje leddik ro nejin Anij n̄an kōjeraam̧m̧an ko an mour indeeo?

Ilo ad kōrā ro ļapļo̧k ad meļeļe bwe kallim̧ur im bujen ko an priesthood rej jerbal n̄an kōj, ilo an ļapļo̧k ad kaorōki kōjeraam̧m̧an im kallim̧ur ko an priesthood eo.

Aolep ro raar kōm̧m̧an bujen ko rekwojarjar ippān Irooj im ro rej kautiej bujen ko rej ekkar n̄an bōk m̧adenļo̧k ko an juon make, n̄an maron̄ kōjeraam̧m̧an jān enjeļ ro rej kwaļo̧k, n̄an kōnono ippān Anij, n̄an bōk tarlep in gospel eo, im, eļaptata, n̄an erom rijolet ro ippān ļo̧k Jisōs Kraist aolep men ko ewōr ippān Jemen.”¹

Kōjeraam̧m̧an ko im kallim̧ur ko an kallim̧ur im bujen ko an priesthood eo rej jerbal jim̧or n̄an em̧m̧aan ro im kōrā ro. Sister Sheri L. Dew, kar rikakpilōklōk eo ilo Būreejtōnji eo Eutiej an Doulul eo an Kōrā ro, ekar ba, “Tarlep in priesthood eo ekitbuuj ilo kain̄i ko ilōn̄tata an m̧weo im̧ōn Irooj maron̄ būki wōt jān juon em̧m̧aan im kōrā ippān doon.”²

Sister Linda K. Burton, Būreejtōn eo Eutiej an Doulul eo an Kōrā, ekar letok kūri in, “Ij kajjitōk ippām̧i n̄an kakkilōklōk e kallim̧ur im bujen ko an priesthood, eo maron̄ loe ilo Katak im Bujen ko 84:33–44. Jān kōm̧m̧an āindein, ij kallim̧uri kom̧ bwe Jetōb Kwojarjar eo enaaj kōļapļo̧k ami meļeļe kōn priesthood eo im naaj im̧we im kotak kom̧ ilo wāween ko rem̧m̧an.”³

Kōmeļeļe ko an Josep Smith n̄an Doulul eo an Kōrā rekar n̄an kōpooje kōrā ro n̄an “itok im bōk maron̄ ko im kōjeraam̧m̧an ko im mennin letok ko an priesthood eo.” Menin enaaj tōprak wōt kōn kain̄i ko an tampeļ eo.

“Kain̄i ko an tampeļ [rej] kain̄i ko an priesthood, bōtaab rej [jab] leļo̧k ioon opiij ko an ecclesiastical ioon em̧m̧aan ro ak kōrā ro. [Kain̄i kein rej kakūrm̧ool] kallim̧ur eo an Irooj bwe armej ro An—kōrā ro im em̧m̧aan ro—naaj maron̄ ‘endowed kōn kajoor jān ijo eutiej tata’ [K&B 38:32].”⁴

Kakobaba in Eoon ko im Meļeļe ko

Katak im Bujen ko 84:19–40; 121:45–46; reliefsociety.lds.org

Tōmak Baam̧le Deoor

Kakeememej ko

1. M. Russell Ballard, “Men and Women and Priesthood Power,” Liahona, Sept. 2014, 36.

2. Sheri L. Dew, in Daughters in My Kingdom: The History and Work of Relief Society (2011), 128.

3. Linda K. Burton, “Priesthood Power—Available to All,” Ensign, June 2014, 39–40.

4. Gospel Topics, “Joseph Smith’s Teachings about Priesthood, Temple, and Women,” topics.lds.org.

Ļōmņak kōn Menin

Ta eo komaron̄ kōm̧m̧ane n̄an lukkuun meļeļe im bōk kōjeraam̧m̧an ko kar kallim̧ur kaki an kallim̧ur im bujen ko an priesthood?