Ainikien Armej ro Rekwojarjar ilo Raan-ko Āliktata
Jouj Jab Kōjan̄ Al Ņe
Kōmeļeļe ko jān Bradley H. Clark
Jet iiō remootļo̧k, baam̧le eo am̧ raar jokwe ilo Veracruz, Mexico, ijo ajri ro nejū raar jikuuļ ie. Kajjojo jibbon̄ n̄e ij kōpooj ajri ro jilu nejū n̄an jikuuļ, ekkā ammean̄ ron̄jake radio—station eo ej make wōt em̧m̧an ilo bukwōn eo—kōn būrookram̧ ko litoki rekaitoktok limo̧ jen ļaddik eo ej jerbal ilo radio station eo.
Kōm̧ kar ron̄jake juon al ejjab lukkuun em̧m̧an. Ke ij lukkuun keron̄jake meļeļein, iaar kile bwe men ko ej ba, raar jab em̧m̧an im raar lukkuun nana.
Iaar ba n̄an ajri ro nejū, “Jejjab kōņaan ron̄ kain naan rot kane.” Bōlen raar jab lukkuun keron̄jake meļeļe eo an al eo, ak raar kaine keron̄jake wōt peļļo̧kin.
Raar lo aō kune radio eo im raar ba ta eo iaar kōm̧m̧ane. “Inaaj ba n̄an rijerbal en ilo radio station eo ke en joļo̧k al eo jen būrookram̧ eo.” Raar kakijōrjōr eō bwe in kōm̧m̧ane ilo iien eo em̧ōkajtata.
Kōm ar jab tōmak, ak iaar ko̧o̧le radio station eo. Ij ba wōt ren kar jab uwaak, ak iaar ilbōk, ke ejja rijerbal eo wōt ilo station eo eaar m̧ōkaj an uwaake ko̧o̧ļ eo aō.
Iaar ba n̄an e ke ijjab kōņaan ron̄jake al eo, āinwōt ke elōn̄ baam̧le ko rej ron̄jake radio ilo jibbon̄. Eaar kajjitōk ta eo ij kōņaan bwe en bōk jikin al eo, ak ainikien eaar lukkuun em̧m̧an ke ij kajjitōk bwe en jab kōjan̄ al eo bwe ajri ro rej pād ilo m̧weo.
Iaar jab jeļā eļan̄n̄e ko̧o̧ļ eo aō ekar waļo̧k ilo mejatoto, ak iaar m̧ōņōņō bwe rijerbal eo ilo radio station eo eaar ron̄jake. Im jejjo raan tokālik, iaar lo bwe kajjitōk eo aō eaar tōprak.
En̄jake in eaar kōm̧m̧an bwe in peran n̄an kōm̧m̧ani kālet ko im kōm̧m̧ane ta eo ekkar n̄an kōjparok ajri ro nejid jān im̧we ko renana. Ilo ad kōm̧m̧ane āindein, Jetōb Kwojarjar enaaj m̧ōttad wōt.