Bwebwenato ko kōn Jisōs
Jisōs ekar Letok n̄an Kōj Kwojkwoj eo
Jisōs ekar jeļā iien eo An epaak an jem̧ļo̧k ioon laļ. Eaar kūrtok Rijilōk ro An ippān doon n̄an Kōjota eo Āliktata. Eaar leļo̧k n̄an er kwojkwoj im kar ba bwe ren keememej E iien otemjej.
Jisōs eaar ilo̧k n̄an jikin kallib eo im jar. Eaar en̄taan kōn aolep jerawiwi ko im būrom̧ōj ko otemjej an aolep armej. Innām Eaar mej ioon dōbwāāl im kar kallib ilo juon lōb.
Ilo jibbon̄in Jabōt eo ālkin an Jisōs kar mej, jet kōrā raar ilo̧k n̄an lōb eo. Ejm̧aan eo ilo lōb eo eaar jabwil ļo̧k, im eaar ejjeļo̧k kobban lōb eo! Ewi Jisōs?
Eaar bar mour! Meri Magdaline eaar lo Jisōs. Eaar loļo̧k Rijilōk ro An bwe ren pojak in kwaļo̧k gospel eo n̄e Enaaj jepļaak lōn̄ļo̧k.
N̄e ij bōk kwojkwoj eo, ij keememej Jisōs. Ij keememej bwe Eaar mour im mej im kar jerkakpeje kōn eō bwe in maron̄ mour bar juon alen!