PEĻAAK EO AD
Kōmeļeļe eo jān Dan Burr
Anij ej Letok n̄an Kōj Kein Jerbal ko
Ullepa ej juon rijin̄n̄a im ej kōm̧m̧an tima jidik kōn alal ilowaan bato kūlaaj ko. Ebōk iien, wūjlepļo̧k, im kijejeto n̄an kōm̧m̧ani.
Juon raan iaar lo aolep kein jerbal ko an im kar jeļā kōn ta jerbal ko an kajjojo kein jerbal ko ak kōbwebweien tim̧a eo. Ke ij lale an kōm̧m̧ane jerbal eo an, iaar bwilōn̄ kōn an maron̄ kōjerbal kein jerbal n̄an kōm̧m̧ani tima jidik kein. Eaar kakeememej eō kōn bwebwenato in Nipai ke eaar kalōk tim̧a eo (lale 1 Nipai 17–18). Eaar kalōk e ekkar wāween kōņaan eo an Irooj, ejjab kōņaan ko an armej. Anij ej letok n̄an kōj kein jerbal ko n̄an kalōk tim̧a ko waad make ilo wāween eo ekōņaan. Jeje ko rekwojarjar, tōmak, im iakwe eo an Anij rej jet kein jerbal ko me ij aikuj kōjerbali ilo mour eo aō n̄an aō kalōk tim̧a eo waaō make ilo an ejjeļo̧k ettaļ. Ij ekkatak kajjojo raan n̄an erom juon rikaļoor an Irooj.
María Mercedes G., Monagas, Venezuela
Ajimakeke
Ekar iien moļo ilo Denmark. Ij kab jino jerbal in mijen eo aō, im naan in kam̧ool eo aō eaar jab lukkuun kajoor. Iaar oktak tok 19 allōn̄ im iaar jab lukkuun pojak n̄an jerbal ilo bar juon laļ, juon kajin eo ijjab maron̄ kōjerbal, juon jikin ekapokpok iaļ ko ie n̄an em̧akūtkūt. Jar ko aō me raar kajoor obrak kōn kam̧oolol raar jino kariab im jum̧ae Anij.
Juon jibbon̄ iaar akweļap n̄an E ilo jar. Ak ijjelo̧kin aō kajjitōk “etke” kōn illu ilo buruō, Iaar akweļap kōn kam̧ool n̄an m̧ool ko an gospel in im kōn aō pere.
Ālkin aō jar, Iaar alōkļo̧k im kōpelļo̧k jeje ko rekwojarjar. Iaar lo ilo Duteronomi 31:6: “Kwōn pen im peran wōt, kwōn jab mijak, im jab lōļn̄o̧n̄ kōn er, bwe Irooj am Anij, E eo ej karwaan eok, ak ilo̧k jān kwe.”
Buruō eaar obrak kōn lan̄lōn̄ ke eaar uwaak jar eo aō: Anij eto an baj pād ippa. Eaar kōttar wōt jar eo aō ilo m̧ool in buruō ijjeļo̧kin aō jum̧ae kōn ļōmņak in bwe emōj an meļo̧kļo̧k eō.
Anij ejamin katajinemjen eō, men̄e ejjeļo̧k kōjatdikdik ilo aolep men. Im jemaron̄ en̄jake an meram rom̧aak ilo ad jar im ilo jeje ko an rekwojarjar.
Clayton E., Texas, USA