iTabagone
Qaravi Ira na Tamata ena Vakabauta
E kaya vei keda o Peresitedi Uchtdorf ni noda vakabauta na Kalou e dodonu me “salavata kei na kena cakacakataki.” Ni sa “vakaivua vata na gugumatua,” vata kei na noda vakabauta, a vakamacalataka o koya, ni na “vakasinaiti … na yaloda ena vakacegu kei na loloma.” Ena kena yalataki na veivakalougatataki oqo, sa rawa meda vakayaco veisau, ka rawa meda raica oqo ena noda bula kevaka eda taura na gauna meda cakava na veiqaravi sinai ena vakabauta. Sa rawa mo masu ena veimataka mo kerea vua na Turaga na veivuke mo qaravi ira na tamata. Me vakataka, mo kerea Vua me vakaraitaka vei iko na gauna e gadreva kina e dua na gone na veivuke se na gauna e gadreva kina e dua na itokani na veivakacaucautaki Oti, ni ko sa vakauqeti vakayalo, mo cakava sara! Ke o cakava na nomu masu kei na veiqaravi oqo me vakaivakarau, sa qai yaco na nomu gugumatua yalodina me vakalougatataka na nomu bula kei na nodra bula eso tale. E yalataka o Peresitedi Uchtdorf ni sa rawa mo “veisautaka na tamata yadua, matavuvale, matanitu, kei na vuravura.”