TAURIVAKA KINA Nomu Bula na Nomu Vulica na Kosipeli
Raica na ivakasala eso oqo me baleta na vulici ni kosipeli ka kunea na isau ni nomu taro vakayalo.
O na vuli vakacava ni o vaqara tiko na isau ni dua na taro vakayalo se ena nomu tovolea tikoga mo kila vakavinaka cake na ivolanikalou? Au tukuna tiko—o iko vakataki iko. Na tamata kece e duidui tu nona ivakarau ni vulilesoni mai koronivuli, ia ena so na gauna eda dau guilecava ni rawa ni da dui cakava talega vakataki keda noda vuli ivolanikalou. Na gauna tale e tiko kina e dua nomu taro vakayalo se vakaivunau, tovolea mada eso na ivakasala oqo mo kila na cava ena vinaka duadua vei iko.
1. Cakava
Cakava e dua na ivola, tuvana e dua na ivolakabi, se dua na mape. (Raica na ivakaraitaki e ra.)
Toqa e dua na tuvatuva ni vuli. Vola na vosa kei na vakasama qai semata ena laini kei na balunisovu me vakaraitaka na nodra veiwekani.
2. Vola
Vola na vakasama kei na veivakauqeti o ciqoma ena nomu gauna ni vuli ivolanikalou ena dua na ivolaniveisga ni vuli ka dau raicalesu wasoma na vakasama eso oqori.
Vola na nomu vakasama kei na veivakauqeti ni oti na nomu masu, kevaka sara mada ga e sega ni sema vakadodonu ki na ulutaga o vulica tiko. Raica na ka e vakavulica tiko na Yalotabu ni toso na gauna.
Toqa nomu taro ena dua na ivolalailai, nomu talevoni, se ena dua na pepa ni volavola ena yasa ni nomu idavodavo me vakananumi iko ka vukei iko mo vakasamataka tikoga na veika o vulica e veisiga.
3. Vakarorogo ka Veivosaki
Vosa vua e dua na itubutubu se dua na iliuliu nuitaki. Drau cakacakataka vata. Ena dede toka beka vakalailai, ia drau na tubu ruarua ena iwalewale oya.
Vakavulica tale e dua. Drau veivukevuke ena nomudrau wasea na veika drau kila. Veivosakitaka na veika drau dui vulica vakaikemudrau.
Vakarorogo ki na ivolanikalou se so tale na italanoa ni YDE kei na ivurevure.
4. Vakadidike
Vakasaqaqara ena ivukevuke ni vuli ena ivolanikalou se na initaneti (raica e ra e dua na lisi ni ivurevure yaga ni YDE).
Vaqara ena LDS.org na vidio kei na sere baleta na ka o vulica tiko.
iVakarau ni vuli. Dikeva na itukutuku makawa se na wase e baleta na ulutaga se ivolanikalou o vulica tiko.
5. Cakava
Matanataka na italanoa eso mai na ivolanikalou se na ivurevure tale eso. E vakaivei beka na kena vukei mo kila vinaka na ka o vulica tiko na nomu biuti iko ena vanua e toka kina na tamata oya? Ena vakaivei beka na irairai ni veika vata oya ena nomu bula?
Cakava e dua na itui ivolanikalou ka semata vata na isaunitaro o kunea ena ivolanikalou. (Raica na ivakaraitaki e ra.)