E Mafai Faapefea ona Ou Iloa Pe o La’u Tali e sau mai le Agaga pe o Au Lava?

Elder Ronald A. Rasband o le Korama a Aposetolo e Toasefululua, “Tuu Atu i le Agaga Paia e Taitai,” Liahona, Me 2017, 95–96.

“Manatua ia upu a Nifae. ‘Ma sa taitai aʼu e le Agaga, ona sa ou lē muaʼi iloa muamua le mea e tatau ona ou faia. E ui i lea,’ sa ia fai mai ai, ‘sa ou alu atu’ [1 Nifae 4:6–7].

“Ma e tatau foi ia i tatou. E tatau ona tatou talitonu i a tatou uunaiga muamua. O nisi taimi tatou te fetuutuunai ai, tatou te mafaufau pe o tatou lagonaina se musumusuga faaleagaga pe na o o tatou lava mafaufauga. A amata loa ona tatou taumateina faalua o tatou lagona, e oo lava i le faatolu—ma ua tatou faia uma lava—ua tatou tulieseina le Agaga; ua tatou fesiligia fautuaga faalelagi. Na aoao mai le Perofeta o Iosefa Samita, afai o le a e faalogo i uunaiga muamua, o le a faaiva ona e mauaina le sa’o mai le sefulu.”