Ua Tofia Taitai Fou o Eria

Asiasi ane i le news.lds.org mo se faaopoopoga o tala fou ma mea e tutupu i le Ekalesia.

Ua faasilasila mai e le Au Peresitene Sili ia suiga nei i tofiga faaleautaitai i eria e amata atu i le aso 1 o Aokuso 2017.

Ua tofiaina Fitugafulu e ala i faaaliga, i lalo o le taitaiga a le Au Peresitene Sili, e fesoasoani i le Korama a Aposetolo e Toasefululua i la latou auaunaga i le lalolagi atoa. E pulefaamalumalu le au Peresitene o Fitugafulu ma au Peresitene o Eria i eria faafaafanua, ma e faimalaga taitai o eria i totonu o latou eria ua tofia i ai e aoao atu ma faamalosiau atu i taitai i le lotoifale faapea ma tagata o le Ekalesia.

I le taimi o le misiona faaletino a Keriso sa Ia valaaulia ia Fitugafulu, faatonu i latou i se auala e tutusa lava ma le au Aposetolo e Toasefululua ma auina atu ia te i latou “ai ona luma,” faamatala atu o le a faalogo foi i latou o e faalogo i o latou leo i Lona siufofoga (tagai i le Mataio 10:1, 16–17; Luka 10).