O Ata o le Faatuatua
Niki Covington
Lazio, Italia
O le a’otauina i faatufugaga masani na auina atu ai Niki ma lona aiga i Italia mo le tele o taimi. O loo faaauauina e Niki ana suesuega i Roma, lea ua ia iloaina ai ni auala e faaaoga ai ana taleni ma faatufugaga e molimau atu ai ia Iesu Keriso.
Cody Bell, le pueata
I le avea ai ma se aiga, matou te mananao e faaaoga taleni ua matou lagonaina ua tuuina mai e le Atua ia i matou e tuuina atu ai le molimau o le talalelei ma ia aumaia ai le alofa o Keriso i olaga o isi. Ua faamanuiaina au i se numera faatapulaa o taleni, lea na mafai ai e au ona atiina ae na o ni nai taleni. E mafai ona maua e nisi tagata le taleni o le alofa mama, o nisi e mafai ona i ai le meaalofa o le tusitusi, ma o nisi atonu e maua ni meaalofa se tele.
E faapefea ona e faaaogaina ia meaalofa ma taleni ua tuuina mai e le Atua ia te oe e faasoa atu ai lau molimau ma ou lagona e uiga i le talalelei i isi? O lenei fesili ua faatuina e lo matou aiga i luga o se sailiiliga e aoao po o a tatou meaalofa ma auala tatou te faaaogaina ai e molimau atu ai e uiga i le Faaola.
O lenei mea ua mafua ai ona ou sailiili atili ma suesue atili po o le a le faatufugaga, o fea e sau ai, ma lona sootaga ma le matafaioi i le talalelei.
A o o’u suesue i aʼa o le faatufugaga, ua ou aoao ai e faapea o faatufugaga e iai se pogai e sili ona paia i le Atua. O Ia o le Mataisau o mea matagofie uma, mama, ma le moni. O soo se ituaiga o matagofie e afua mai ia te Ia. Ua o se mea fou maoae lea mo au i le avea ai ma se tusiata. E faamoemoe lava, e ala atu i galuega a o’u lima, o le a mafai ona ou tuua lenei mea o se molimau mo lau fanau ma isi.
O Niki e taaalo soka ma lana fanau.
O Niki o loo i Italia e atiina ae ana taleni i le avea ai ma se tusiata.
O loo faapotopoto mai e Niki ma lana fanau ni meaai fou mo le taumafataga o le afiafi.
Ua avea le la fanau o ni puna o le olioli mo Niki ma Tiffany Covington.
Ua tuua e le au Covingtons le lotu mo le fale ina ua uma le lotu.
O loo vaavaai atu Niki i lana fanau o loo taaalo faatasi.
E fiafia le au Covingtons e faapotopoto faatasi mo meaai.