Avea e Faapei o Nifae
I se tasi aso sa ou aoao ai i le Peraimeri e uiga i le tele o le faatuatua ma le amiotonu o Nifae. O lea sa ou filifili ai ou te fia avea e faapei o Nifae.
O le aso na sosoo ai sa ou galue ai i le faia o ni filifiliga lelei. Sa tu’i a’u e lo’u uso. Sa ou ita. Sa ou manao e toe tu’i atu o ia, ae sa ou filifili e avea e faapei o Nifae. Nai lo le toe tu’i atu o lo’u uso, sa na o lo’u savali ese lava. Na fesoasoani e aveese ai lo’u ita.
I se isi taimi, sa taalo ai lo’u uso i la’u vaalele e aunoa ma le fesili mai, ma sa ou popole o le a ia talepea. O lea na ou fesili atu ai ia te ia i se ala manaia e toe aumai ai, ma sa ia faia!
E faigata ona fai i nisi taimi le filifiliga sa’o, ae ou te mafaufau i faataitaiga a Iesu ma Nifae. Ou te faitau foi a’u tusitusiga paia i po uma, ma e fesoasoani ia te a’u i le aso atoa e fai ai filifiliga amiotonu. Ou te iloa afai tatou te faamaoni e pei o Nifae ma Iesu, o le a faafiafiaina ai i tatou.