2017
Siamupini mo Tatalo Faaleaiga
August 2017

Siamupini mo Tatalo Faaleaiga

Saunia e Charlotte Larcabal

Mekasini a le Ekalesia

O Motugaafa e sefulu mai le autalavou e fesoasoani i lou aiga ia latalata atili atu ai i le Tama i o outou tulivae.

teens cheering

Pe na e iloaina o tatalo faaleaiga o se poloaiga? Na poloaiina e Iesu Keriso sa Nifae ia “tatalo i o outou aiga i le Tama” (3 Nifae 18:21). Talu mai lena taimi, o loo faaleoina pea e perofeta ma Aposetolo lenei aoaoga. Mo se faataitaiga, na aoao mai Elder Richard G. Scott (1928–2015) o le Korama a Aposetolo e Toasefululua e tatau ona avea o “se faamuamua e le fetuunaia i o outou olaga i aso taitasi.”1

O le tatalo faaleaiga e taua! O le ki foi lea i le ola latalata atili i le tasi ma le isi ma le Tama Faalelagi. Ma e le na o le tuu atu lava ia Tina ma Tama. E mafai ona i ai sau uunaiga tele i lou aiga! E mafai ona avea oe o se siamupini mo le tatalo faaleaiga.

Avea o se Siamupini

O le a se siamupini mo le tatalo faaleaiga? Pe a e mafaufau i siamupini, e mafai ona e mafaufau i tagata e sili ona lelei i se mea. O se tasi lena o ituaiga o siamupini: o se manumalo po o le taui muamua po o le tulaga muamua i se tauvaga. O se tasi ituaiga o siamupini o se tasi e tauivi mo se mea, o se lagolago po o se tasi e puipuia. O lea o se siamupini mo le tatalo faaleaiga o se tasi e tauivi mo, e tu atu mo, ma puipuia le tatalo faaleaiga.

Mata e mafai ona e faia lena mea?

O nisi nei o ni motugaafa pe faapefea ona avea o se siamupini mo le tatalo faaleaiga:

  1. Taumafai e aua le faia tatalo e tautu i upu a na e tutusa pe a oo i lou avanoa e tatalo. Jeanel S., 14 tausaga, Idaho, ISA

  2. Fai se lisi o mea e tatau ona outou tatalo i ai o se aiga. Samantha B., 17 tausaga, Alabama, ISA

  3. I lou aiga matou te taumafai lava e faailoa atu le agaga faafetai e sili atu nai lo mea matou te ole atu ai. Matou te taumafai lava ia maua se agaga o le loto faafetai i le Tama Faalelagi, o lea ou te taumafai ai e fesoasoani i nai ou tei i lena mea. Karla S., 17 tausaga , Tijuana, Mekisiko

  4. Faamanatu i tagata uma. Afai e le lelei tele lou aiga i le tatalo faatasi, o se amataga lelei o le faia o tatalo faaletagata lava ia. Camille G., 18 tausaga, Alabama, ISA5

  5. Ala vave i luga i ni nai minute ina ia mautinoa e fai tatalo faaleaiga ae e te lei tuua le fale. E mafai ona e setiina se uati fafagu e tau mai ia te oe le taimi mo le tatalo faaleaiga. Tess Z., 16 tausaga, Texas, ISA

  6. Faalogo i upu o loo fai e le tagata o loo tatalo, ma toe fai i lou mafaufau. Mulimuli ane, vaai po o a mea e mafai ona e manatua mai la latou tatalo. O le fai atu “Amene” o lona uiga “ia faia o lea”, pe faapea ua e malie i ai. Ou te manao moni lava ia iloa ma malamalama po o le a se mea ua ou malie i ai. Grace M., 14 tausaga, Kalefonia, ISA

  7. Ia i ai se uiga faaalia lelei e uiga i le tatalo faaleaiga. Aua le mafaufau i ai o se mea e siaki ae e te lei alu e moe. Ia manatua o tatalo faaleaiga e mafai ona fesoasoani e aumaia ai lou aiga ia sili atu lefelatai. Ranoah H., 17 tausaga, Alapama, ISA

  8. Taumafai e fesoasoani i nai ou tei uma lava. E tusa lava pe na o le mauaina o se uiga lelei ma avea ma se faataitaiga lelei ua tele lava se aoga. Will W., 14 tausaga, Kalefonia, ISA

  9. Mafaufau e uiga i mea e te manao e tatalo i ai ae e te lei tatalo. Lyric A., 13 tausaga, Arkansas, ISA

  10. Ia manatua e leai se mea e mafai ona sili atu le taua nai lo o lena. O le faaaluina o taimi faatasi ma lou aiga ma ia mautinoa e maua le taimi taua e faitau ai tusitusiga paia ma tatalo e taua moni lava. Isaac S., 14 tausaga, Kalefonia, ISA

Faamatalaga

  1. Richard G. Scott, “Ia Avea le Faaaogaina o le Faatuatua ma Mea E te Faamuamuaina,” Liahona, Nov. 2014, 93.