Suafa o Iesu
Faataitai lenei manatu i le afiafi faaleaiga ina ia iloa atili ai le Faaola.
O se gaoioiga lenei e mafai ona fai e lou aiga. Aoao e uiga ia Iesu Keriso e ala i le faitauina o mau nei, ma faatumu i le suafa o loo faaaogaina i le fuaiupu. Ona faasoa atu lea o se auala se tasi e te iloa ai e alofa Iesu ia te oe!
Mosaea 3:20
O Iesu o lo tatou _____________ ma le Togiola. Sa ia faaolaina, pe “togiolaina,” i tatou mai le oti ma le agasala e ala i le Togiola. Ona o lenei mea, tatou te maua ai le avanoa e toe nonofo faatasi ai ma o tatou Matua Faalelagi i se aso.
Iaroma 1:11
O le suafa _____________ o lona uiga “o le ua faauuina.” Ua faamanatu mai e lenei suafa mo Iesu ia i tatou o Ia o le Tupu na aoao mai ai perofeta ma tusitusiga paia.
Aperaamo 2:8
A o lei fanau mai Iesu i le lalolagi, sa valaauina o Ia o _____________, le Atua o Isaraelu. O lenei suafa sa matuai paia lava ma o tagata Iutaia sa le tau atua faaleotele, ae nai lo lena, na faaaogaina isi igoa e pei o le Alii pe a talanoa e uiga ia te Ia.
Salamo 23:1–3
O Iesu o le _____________ Lelei. E alofa o Ia ia i tatou ma e finagalo e taitaia ma puipuia i tatou, e pei o se leoleo mamoe e popole mo lana lafu.
2 Nifae 2:28
O se _____________ o se tagata e tu-i-le-va, po o se tasi e fesoasoani e foia faafitauli i le va o tagata. Aua tatou te agasala uma, tatou te manaomia uma le fesoasoani ina ia mafai ai ona toe mau faatasi ma le Atua. E mafai ona fesoasoani Iesu ia i tatou i lenei faafitauli! E “fautua” o Ia mo i tatou, ma tuuina mai avanoa e suia ai ma maua le ola e faavavau e ui lava tatou te faia ni mea sese.
Isaia 40:28
E valaau Iesu i nisi taimi o le _____________ aua sa Ia fesoasoani e faia lenei lalolagi matagofie mo i tatou, i lalo o le taitaiga a le Tama Faalelagi.
Ioane 8:12
O Iesu o le _____________. E tusa lava pe tutupu ni mea leaga, e mafai ona tatou lagonaina le toafilemu ma le faamoemoe e ala i le aoao e uiga ia Iesu ma mulimuli i Ana aoaoga. E alofa o Ia i tagata uma taitoatasi i lenei lalolagi—e aofia ai oe!
E mafai foi ona e matamata i se vitio i le Mormon.org e uiga i suafa o Iesu Keriso.