!Yu Mas Kaen!

!Halo! Mi mi Claudia mo mi stap long Ostrelia. Mi bin letem laet blong mi i saen taem mi bin stap kaen long ol narawan.

Mi Stanap From Ol Narawan

Wan boe long klas blong mi long skul i stap gat hadtaem blong lanem samting. Mi stap toktok from hem taem ol pipol oli stap jikim hem, mo mi helpem hem long klas taem hem i nidim. Tija blong mi i talem se, long yia ia nomo, boe ia i filim se hem i pat blong klas blong hem.

Smol Tedi Bea blong Mi

Taem tija blong anggel blong mi i ded, tija i harem nogud tumas. Tija ia, we i wan woman, i no save abaot Jos, mekem se mi talem long hem se Papa long Heven i lavem hem. Mi mekem wan kad mo talem long hem se bambae hem i luk anggel blong hem bakegen. Mi givim spesel smol tedi bea blong mi long hem blong helpem hem tru long nogud taem ia.

Ol Laki Fren

Neiba blong mi, Olivia i stap traehad blong wokbaot, toktok mo harem samting. Mama blong Olivia i talem se Olivia i laki blong gat wan fren olsem mi. !Mi tu, mi laki!

Singsing mo Tabu Spirit

Mi laekem blong singsing ol singsing we oli stap long Children’s Songbook. Famli blong mi i talem se hemia i helpem olgeta blong filim Tabu Spirit. Tabu Spirit i givim mi ol wom filing insaed long mi.