Go Stret long Poen
?From wanem God i letem wo i hapen?
Ol foto oli kam long Getty Images
Wo i bin pat blong stori blong man long wol ia stat kolosap long stat blong hem. Be Lod, Prins blong Pis, i no wantem yumi blong stap go long wo wetem ol narawan. Hem i stap krae taem ol pipol oli jusum blong oli no lavlavem olgeta mo “oli no gat lav, mo oli no laekem nating stret bladlaen blong olgeta (Moses 7:33), oli spolem wol ia tru long fasin blong faet (luk long Jenesis 6:11–13). Olgeta we ol fasin nogud blong olgeta i tekem wo i kam long wol ia, bambae oli jajem olgeta from ol aksen blong olgeta.
Lod i bin givim oda long ol pipol blong Hem blong “sakemaot wo mo taltalemaot pis” (luk long D&C 98:16). Be, taem ol nesen oli yusum han blong olgeta agensem wanwan long olgeta, Lod i bin talem tu se, samtaem yumi gat risen blong save difendem ol famli, ol nesen, mo ol fridom blong yumi agensem fasin blong prapa spolem man, fasin blong strong gavman rul, mo fasin blong fos wetem rabis fasin (luk long Alma 43:47; Alma 46:12–13; D&C 134:11). Mo ol Lata-dei Sent we oli stap wok long ol ami blong kantri blong olgeta, oli stap holemtaet prinsipol ia blong “obei long ol king, ol presiden, ol lida, mo ol jaj, blong folem, givim ona, mo sapotem loa.” (Ol Toktok blong Bilif 1:12).